Í þá gömlu góðu daga 2004  - 2005 - 2006 :
 

H E I M

Dagskrá

Um sveitina

Stjórnin

Félagar

Myndir

Tæki

Kajak

Krækjur

Fyrir almenning

 

 

  


Námskeiðahald
 2. des 2006 - 14:00
Í haust hafa 9 félagar í Kili ásamt 2 mönnum úr slökkviliði Kjalarness, setið fyrstu hjálpar námskeið á  vegum SHS. Námsefnið er íslenskað og unnið upp úr nýjustu bók AAOS (American Academy of Orthopaedic Surgeons) "First responder - your first response in Emergency care". Námskeiðið spannar um 40 stundir. Í haust hefur m.a. verið farið yfir starfssvið viðbragðsaðila, endurlífgun, mannslíkamann, líkamsskoðun, flutninga, búnað sjúkrabíla, skráningu og fjarskipti. Áætlað er að námskeiðinu ljúki með prófi um miðjan mars 2007. (Á myndinni er kennarinn Ólafur Ingi Grettisson frá SHS, að mæla blóðþrýsting hjá Adam).
 Efst á síðu


Ófærð á Kjalarnesi
 19. nóv 2006 - 20:00
Aðfararnótt sunnudagsins gerði slæmt veður með hvassviðri og ofankomu (mynd af vef Veðurstofunnar af mæli Vegagerðarinnar við Esjuberg). Vindur í hviðum fór upp undir 30 m/sek. við Skrauthóla. Útkall kom og Kjölur fór á stúfana rúmlega 3 um nóttina og var færðin þá orðin slæm, blint og bílar víða fastir í sköflum og jafnvel farið út fyrir veg.  Bílum var snúið við þar sem ófært var upp á Akranes og bílalest var fylgt í Mosfellsbæ og fólki var ekið heim sem ekki treysti sér til að aka lengur. 
Veður gekk niður um 10 leytið um morguninn og byrjað að moka aðalleiðir um það leyti.  Síðdegis þegar veðri slotaði var farið að draga bíl upp á veg sem hafði lent út í skurði í blindunni um nóttina við Saltvíkurafleggjarann.
Nánar um verkefnin má sjá undir liðnum Útköll hér til hliðar.
Efst á síðu
Styrkir til bátakaupa
15. nóv 2006 - 19:00
Nýlega veitti Kiwanisklúbburinn Geysir björgunarsveitinni Kili styrk að upphæð 200.000 kr vegna bátakaupanna. Það var á fjölmennum Kiwanisfundi 1. nóvember s.l. sem styrkurinn var afhentur og það gerði forseti Geysismanna Sigurður Ólason og á myndinni hér til hliðar má sjá formann Kjalar Hermann Þorsteinsson taka við styrknum. Einnig hefur KBbanki í Mosfellsbæ styrkt bátakaupin um 100.000 kr og kunnum við þeim bestu þakkir fyrir.

Efst á síðu
 

Annasöm helgi
 5. nóv 2006 - 17:00
Um helgina hefur Kjölur staðið í ýmsum verkefnum. Fyrst var útkallsæfing á laugardagsmorgun með SHS þar sem verkefnið var eldur í bíl og slasað fólk. Þá tók við First Responder námskeið á vegum SHS eftir hádegið. Ákveðið var vegna vondrar veðurspár og hárrar sjávarstöðu að fara snemma á sunnudagsmorgun og vakta sjávarágang neðan Grundarhverfis og Vallár og i Kollafirði. Fljótlega var síðan boðað útkall á svæði eitt og verkefnum ringdi inn, festa þakplötur, negla fyrir glugga, fergja trampolín og fleira í þeim dúr. Lítið var að gera á Kjalarnesi en þó nokkur verkefni í Mosfellsbæ. Sveitin lauk störfum um hádegisbil. Einnig var gengið í hús um helgina á Kjalarnesi og Kjós og seldir neyðarkallar í fjáröflun Slysavarnafélagsins Landsbjörg. Vel var tekið á móti félögum við sölustörf.
Á myndinni hér að ofan við fjörubakkann neðan Esjugrundar, sem nagast úr í svona veðrum, má sjá þara og grjót sem hefur kastast upp á bakkann. Það voru um 25 m að lóðarmörkum frá þeirri spýju sem gekk lengst upp.
 Efst á síðu
  
Ráðstefnan Björgun 2006
23. okt 2006 - 21:30
Helgina 20. til 22. október hélt Slysavarnafélagið Landsbjörg ráðstefnuna Björgun 2006 á Grand Hóteli í Reykjavík. Við setningu var undirritað samkomulag um stofnun einkahlutafélags, Öryggisfjarskipti ehf, sem mun annast uppsetningu á Tetra-kerfi um allt land. 1. áfangi alls 111 sendar eiga að vera komir í gagnið næsta sumar og verður leitað til björgunarsveita með staðsetningu senda og uppsetningu. Ráðstefnan stóð í þrjá daga og voru fyrirlestrar íslenskir og erlendir í boði alla dagana auk tækja- og búnaðarsýningar á laugardeginum. Tveir fulltrúar Kjalar kynntu sér meðal annars nýjar áherslur í endurlífgun, sænska skógarelda, leitarsvið og aðferðir, slysa- og áverkaferli, sjónarhorn lögreglu við leit og björgun og fyrstu viðbrögð á vettvangi frá sjónarhorni réttarmeinafræðings. Allt var þetta mjög fróðlegt og áhugavert.
 Efst á síðu

66°Norður
 21. okt 2006 - 22:00
Landsbjargarfélagar fá 20% afslátt hjá 66°Norður frá 20. - 26. október. Þá verður kynningarkvöld fyrir meðlimi Landsbjargar í Faxafeni 12, 26. október
kl 18 - 20.
 Efst á síðu

Göturatleikur
 12. okt 2006 - 22:00
 Síðastliðinn sunnudag skipulögðu Gilwell skátar ásamt bsv Kili ratleik í Grundarhverfi, fyrir krakka 9 - 15 ára.  Frekar slæmt veður var og því var allt fært inn sem hægt var og krakkarnir selfluttir í fjórum 5 - 6 manna hópum milli húsa. Á póstunum var boðið upp á leiki, kassaklifur, refaleit (snjóflóðaýluleit), kayakróður í sundlaug, fræðslu í björgunarsveitarhúsi og kakósopa. Nánar má sjá myndir á >> Skátavefnum <<. Myndina hér til hliðar af Önnu og Bjarna í kayakróðri tók Anna María Þórðardóttir.

Efst á síðu

 Æfingar með SHS
15. sept 2006 - 22:00
 Dagskrá æfinga og námskeiða með SHS veturinn 06 - 07, er nánanst tilbúin og er aðgengileg undir DAGSKRÁ hnappinum hér til hliðar. Þar er einnig birt öll dagskrá skólavals unglingadeildar Klébergsskóla. Dagskráin verður uppfærð ef þörf er á og birt jafnóðum Á DÖFINNI. Fyrsta æfing SHS er laugardaginn 7. október.
Efst á síðu

Nýr bátur væntanlegur í október
 3. sept 2006 - 17:00

 Nú fer að styttast í það að nýr bátur komi til sveitarinnar. Búið er að panta Zodiac af MKIV gerð  og áætlað að hann komi til landsins í október. Hann er sömu gerðar og þeir eiga tvo eintök af í björgunarsveitinni Þorbirni í Grindavík. Af þessu tilefni fóru nokkrir Kjalarmenn í heimsókn til þeirra Þorbjarnarmanna m.a. til að taka mál af bátnum þeirra vegna kerrusmíðar.
 Gamli bátur Kjalar verður seldur til björgunarsveitarinnar Heimamanna Reykhólasveit.

Á myndinni eru þeir Hermann frá Kili og Otti frá Þorbirni þungt hugsi yfir tækinu.

Með síðustu verkefnum gamla bátsins var í Hvammsvíkurmaraþoni í gær. Kjölur fylgdi þá kajakræðurum frá Hvammsvík til Geldinganess, ásamt Atlanticbát frá björgunarfélagi Akraness. Aðstæður voru slæmar, NA þræsingur í Hvalfirðinum og Kjalarnesi, um 15 m/sek. 11 ræðarar lögðu í hann engu að síður og glímdu hart við Ægi. Verulega teygðist úr hópnum og þurfti að aðstoða nokkra við að komast í land eða um borð í kajakinn á ný eftir veltu. Fimm ræðarar af 11 komust alla leið í rjómablíðuna á Geldinganesinu.
Efst á síðu

Heimsókn í slökkvistöð í Árbæ
25.ágúst 2006 - 22:00

 Miðvikudaginn 23. ágúst fóru nokkrir félagar úr sveitinni í heimsókn í slökkvistöðina Tunguhálsi í Árbæ. Þar tók Þórður Bogason á móti hópnum. Hann sýndi húsnæðið og tækjakost, en stöðin þjónar meðal annars Mosfellsbæ og Kjalarnesi. Rólegt var á vaktinni framan af, en eins og oft áður þegar námskeið eða heimsóknir hjá SHS eiga í hlut, kom útkall. Þórður stökk af stað vegna elds hjá Norðuráli á Grundartanga, en björgunarsveitin þurfti ekki að bregðast við að þessu sinni.  
 Efst á síðu

Skiltin komin upp í Heiðmörk
27. júní 2006 - 22:20
 Steypugengið
 Skiltavinnu í Heiðmörk er lokið. Sett voru upp 41 upplýsingaskilti fyrir göngufólk víðsvegar meðfram göngustígum í Vifilsstaðahlíð og Elliðavatnsheiði. Aðstoðað var við að færa eitt stórt skilti og lagfæra tvö önnur.  Sveitin var nokkur kvöld síðustu tvær vikur að ljúka verkinu. Skemmtilegt verkefni í fallegu umhverfi.
 

 Efst á síðu

Heimsókn í Grindavík
13. júní 2006 - 22:20

 Farið verður í heimsókn til björgunarsveitarinnar Þorbjarnar í Grindavík mánudaginn 19. júní, mæting í Þórnýjarbúð kl 19. Þar sem Kjölur er í bátakaupahugleiðingum bauðst að prófa Zodiak Mark IV sem Þorbjörn á. Þeir Grindavíkurmenn hafa verið liðlegir að miðla af bátareynslu sinni og einnig Ársælsmenn, sem áður voru heimsóttir í sama tilgangi.

 Efst á síðu

Skiltavinna í Esju og Heiðmörk
8. júní 2006 - 18:20

 Björgunarsveitin Kjölur hefur undanfarið unnið við skiltauppsetningar í Esjuhlíðum og í Heiðmörk og er þetta fjáröflun sveitarinnar til björgunarbátakaupa. Það er Slysavarnadeild kvenna í Reykjavík sem hefur forgöngu um skiltauppsetninguna í Esjuhlíðum, en Skógræktarfélag Reykjavíkur, sem verður 60 ára á árinu, stendur að verkefninu í Heiðmörk. Fjölmargir aðilar koma að undirbúningi, s.s. hönnun, kostun og framleiðslu skiltanna, en þetta eru gönguleiðaskilti með upplýsingum fyrir útivistarfólk. Uppsetningu sex skilta er lokið í Esjuhlíðum, sem verða vígð á Esjudaginn, en núna um hvítasunnuhelgina voru Kjalarmenn að grafa fyrir undirstöðum um 30 skilta af 50 í Heiðmörk (sjá mynd fyrir ofan og fleiri >> myndir bæst við á myndasíðu Kjalar <<).




 Efst á síðu
 
Steypt undir skilti í Esjunni
28. maí 2006 - 20:20

Í gær, laugardaginn 27. maí, luku menn úr Kili við að steypa undirstöður undir ný skilti, sem setja á upp á gönguleið á Þverfellshorn í Esjunni.

 Efst á síðu
 
Námskeið og útköll
21. maí 2006 - 18:15

 Enginn friður hefur verið á síðustu tveimur námskeiðum sveitarinnar með SHS mönnum, því rjúka hefur þurft af stað í útköll á miðju kafi. Laugardaginn 13. maí var meðal annars farið yfir Tetra fjarskiptakerfið þegar beiðni barst um aðstoð vegna bílslyss í Kjósinni. Laugardaginn 20. maí var verið fara yfir búnað sjúkrabíls þegar óskað var eftir aðstoð vegna umferðarslyss í Hvalfjarðargöngum. Því má segja að kennslu hafi verið haldið áfram í aðgerð á vettvangi. Nánar má lesa um útköllin í nýjum tengli hér til vinstri.

 Efst á síðu

Ný myndasíða Kjalar
13. maí 2006 - 10:15

 Myndefni björgunarsveitarinnar hefur verið sett á nýjan myndavef - lítið á !!

  Efst á síðu

Fyrstu-hjálpar-kvöld SHS á miðvikudaginn
10. apríl 2006 - 20:30

Annað fyrstuhjálpar kvöld SHS verður núna á miðvikudaginn 12. apríl í Þórnýjarbúð. Tekið verður fyrir aðkoma að bílslysi.  Slökkvilið Kjalarness og Kjölur héldu sína fyrstu sameiginlegu æfingu um helgina. Æfð voru handtök við að leggja slöngur og vatnsöflun með dælum. Fleiri myndir  >>> hér.









 


 Efst á síðu

Æfingadagskrá SHS fyrir Kjöl
6. apríl 2006 - 17:30

Nú er að fara í gang æfingar, fræðsla og kynningarfundir vegna samstarfs við SHS.  Búið er að fara yfir nýjan sjúkrabúnað undir styrkri stjórn Stefnis Snorrasonar bráðatæknis.  Á laugardaginn 8. apríl verður æfing á heimasvæði með slökkviliðsmönnum af Kjalarnesi, stöð 800. Æfingin snýst um vatnsöflun, brunahana og sog úr sjó og lækjum.  Laugardaginn 22. apríl verður kynningarfundur á boðun, aðkomu og samstarf á vettvangi.  Laugardaginn 13. maí verður fjallað ítarlegar um aðkomu á slysstað, skipulag á vettvangi, fjarskipti og fleira.  Laugardaginn 20. maí kemur sjúkrabíll í Þórnýjarbúð og verður fræðst um búnað hans.

Efst á síðu
 
Samstarf bjsv Kjalar og SHS
21. mars 2006 - 19:30

Formlega var gengið frá samstarfi slökkviliðs höfuðborgarsvæðis og bsv. Kjalar með undirritun samnings í dag. Sjá nánar frétt með mynd á heimasíðu Landsbjargar.

  Efst á síðu

Starf með nemendum í Klébergsskóla,
bátaæfing
15. mars 2006 - 10:30
Stærri mynd

Fleiri myndir úr starfi með nemendum Klébergsskóla eru hér. Hópur nr. 2 hefur lokið við búnaðarkynningu og slöngubátaæfingu.

 Efst á síðu


VETRARFERÐIN
2. mars 2006 - 18:30

Vetrarferð, 10. - 12. mars n.k. verður farin í Hálsaból www.halsabol.net við Grundarfjörð á Snæfellsnesi. Skráning í síma 893-3620 eða saramb@internet.is Bústaðurinn kostar 13.000 kr, tveir í boði, alveg útaf fyrir okkur. Hvor bústaður tekur 6 - 8 manns. Skráning fyrir mánudag 5. mars n.k.

 Efst á síðu


1 1 2 dagurinn
 13. febrúar 2006 - 23:00

1 1 2 dagurinn var haldinn hátíðlegur þann 11.2 s.l. um allt land. Á höfuðborgarsvæðinu ók lest björgunartækja með blikkandi ljósum, í lögreglufylgd og með þyrlu sveimandi yfir, frá björgunarmiðstöðinni í Skógarhlíð um Reykjavík, Kópavog, Garðabæ og Hafnarfjörð. Opið hús var í Björgunarmiðstöðinni og kynning á starfsemi viðbragðsaðila, s.s. lögreglu, björgunarsveita, rauða krossins, heilbrigðisstofnana, landhelgisgæslu, slökkviliðs og fleiri. Einnig var kynnig við Reykjavíkurhöfn þar sem m.a. varðskip og björgunarskólaskip voru til sýnis. Björgunarsveitir sýndu tækjakost sinn og búnað m.a.; vélsleða, jeppa, stjórnstöðvarbíl, snjóbíl, báta og leitarhunda. Kjölur sýndi kayakana fyrst og fremst, en var einnig með slöngubátinn og bílinn. Margt var um manninn á planinu við Skógarhlíð og ófáir vildu fræðast og eða máta sig í kayaka.

 Efst á síðu


Kynning fyrir nemendur 9. og 10. bekkja Klébergsskóla
 2. febrúar 2006 - 22:00

Þessa daga og vikur fer fram kynning á björgunarsveitarstarfi sem valáfangi í 9. og 10. bekk Klébergsskóla. Farið er í nokkra þætti björgunarsveitarstarfa og er fræðslunni skipt á milli verklegra æfinga og fyrirlestra. Fyrsti hópur nemenda mætir einu sinni í viku í janúar og febrúar og er nú hálfnaður með áfangann. Í mars og apríl mun næsti hópur taka við.  Flestir tímar fara fram í Þórnýjarbúð, en kassaklifur var í íþróttahúsinu þar sem það býður upp á meiri lofthæð. Alls náðist að klifra upp 26 kassa upp í tryggingar og er það Kjalarnesmet. Þeirri hæð náði einn nemenda, Hólmar, í fyrstu tilraun.
Nokkrar myndir úr kassaklifri og ferðamennskutíma má sjá >>> hér og fleiri bætast við síðar.

 Efst á síðu

Heimasíðumál
 23. janúar 2006 - 12:00

Uppfærsla heimasíðunnar hefur legið niðri um hríð vegna tæknilegra örðugleika hjá hýsli síðunnar, sem legið hefur undir árásum tölvuþrjóta og þurfti að færa heimsíðusvæðið til. Vonandi hefur það ekki komið að sök.

 Efst á síðu


Efst á síðu
 2006

 Gleðilegt nýár !!
 2. janúar 2006 - 12:00

Ljósadýrð yfir Grundarhverfi á Kjalarnesi,
ljósm. Friðrik Theodórsson.

Í mörg horn var að líta hjá björgunarsveitinni á gamlársdag. Vinna við uppsetningu flugeldasýningar stóð fram eftir degi í áhaldahúsinu. Skotpallar fengust að láni hjá HSSR og uppsetningu önnuðust Árni Sveinsson, Hólmar, Biggi og Pétur Ostapiuk. Flugeldasalan var opin frá 10 - 16 og var tómlegt um að litast í gáminum við lokun, enda seldust upp margar tegundir.
Kveikt var í myndarlegri brennu á Klébergi um kvöldið og stuttu síðar hófst flugeldasýningin neðan við Fólkvang. Margt var um manninn á brennunni og brúðhjón gengu spariklædd til brennu frá brúðkaupsveislu í Fólkvangi. Veður var hið besta um miðnætti og mikið sjónarspil að sjá ljósadýrðina loga um allan næturhimininn. Fleiri myndir >> hér. 

Á myndinni sjást Biggi og Árni hlaða skothólkana,
ljósm. María Theodórsdóttir.

Efst á síðu

F L U G E L D A S Ý N I N G
 31. desember 2005 - 19:00
 Björgunarsveitin Kjölur þakkar íbúum Kjalarness og Kjósar fyrir veittan stuðning á árinu

og býður upp á flugeldasýningu á Gamlárskvöld stuttu eftir
að kveikt verður í brennunni.
Áætlaður skottími er kl 20:45.
 
Kveikt verður í brennunni á Klébergi kl 20:30
 
Minnum á opnunartíma flugeldasölunnar við áhaldahúsið,
Þórnýjarbúð;
Föstudagur 30. des kl 13 – 22
Laugardagur 31. des kl 10 – 16
 
 Förum varlega um áramótin !!
Gleðilegt nýtt ár
  Efst á síðu

„EKKERT FIKT" !!
 16. desember 2005 - 22:00



 Nemendur í 6. til 10. bekk í Klébergsskóla fengu kynningu á efni hins nýja forvarnarmynddisks Slysavarnarfélagsins Landsbjörg, „Ekkert fikt", rétt áður en þau fóru í jólafrí. Þórður Bogason mætti til leiks sem fulltrúi björgunarsveitarinnar og SHS og sá um kynninguna. Nemendum var skipt í tvo hópa og fengu fyrst fræðslu á glærum um helstu slys, reglugerðir, áhættuhópa og meðhöndlun flugelda. Eftir það var „Ekkert fikt" sýnt og boðið upp á umræður. Flestir nemendur sýndu efninu áhuga og er það von manna að fræðslan beri árangur.

 Efst á síðu

 FLUGELDASALAN
 14. desember 2005 - 20:00

Kjölur verður með árlega flugeldasölu sína við Þórnýjarbúð, áhaldahúsið, rétt hjá Sorpu.
Opnunartímar:
miðvikudagur 28. desember kl 13 - 22
fimmtudagur 29. desember kl 13 - 22
föstudagur 30. desember kl 13 - 22
laugardagur 31. desember kl 13 - 16  
Efst á síðu

... að vita meira ...
 7. desember 2005 - 19:00

Skortur á kennurum innan sveitar hefur ekki hamlað því að menn fái sín námskeið. Undanfarnar vikur hefur verið auðsótt mál að smeygja tveimur til þremur með á námskeið hjá öðrum sveitum. Eins hefur verið sótt í björgunarskóla SL.
Einn aðili fór á fagnámskeið í leitartækni sem haldið var í Kópavogi, tveir á slöngubátur I hjá Ársæli og tveir á flugeldasýningarnámskeið um síðustu helgi. Einnig hafa menn verið að fara í nýliðaþjálfun hjá HSSG.
Eftir áramót verður hugað að frekari námskeiðum. Þá mun sveitin einnig spreyta sig á því að "leiðbeina" þegar kynning á björgunarsveitarstarfi, fyrir nemendur í 9. og 10. bekk í Klébergssskóla, fer af stað.

Efst á síðu

Næsta mál !
 5. nóvember 2005 - 11:00

Miðvikudaginn 9. nóvember verður bílinn gerður klár, og kertapökkun.

Efst á síðu

 Fram undan - næstu vikur.
 20. október 2005 - 22:00

Miðvikudaginn 26. október verður bátaæfing, þar sem prófuð verðu ný tegund af skrúfu og nýir hjálmar.
Sunnudaginn 30. október er gámadagur. Hann verður tekinn í gegn að utan og allir að mæta, margar hendur og allt það ...
Miðvikudaginn 2. nóvember verður Þórður Bogason með upprifjun í skyndihjálp.

Efst á síðu
Opið hús - myndir !
 5. október 2005 - 19:00

Nokkrar myndir frá deginum er hægt að skoða >>>> hér !! fleiri væntanlegar.

Efst á síðu
Opið hús gekk vel - takk fyrir daginn !
 3. október 2005 - 21:00

Fjölmargir gestir lögðu leið sína í Þórnýjarbúð á sunnudeginum 2. okt. þegar slökkvilið Kjalarness og Björgunarsveitin Kjölur kynntu starfsemi sína. Tækjakostur var til sýnis jafnt utan dyra sem innan og þar á meðal slökkvibíllinn Ford F700, Econoline og Zodiak slöngubátur. Mjög vinsælt var hjá börnunum að sprauta með brunaslöngunni, sprella í  hoppikastalanum og príla í kassaklifri. Hæðarmetið í Þónýjarbúð reyndist 17 kassar og var þá komið upp í rjáfur og ekki hærra komist. Hægt var að koma með tillögu að nafni á björgunarbáti sveitarinnar og verða tillögurnar skoðaðar á næsta stjórnarfundi. Einnig gæddu menn sér á pönnukökum og tertum  og skoluðu því niður með kaffi og djúsi.  Ekki viðraði til siglinga að þessu sinni, en vonast er til að svona dagur verði endurtekinn að ári.

Efst á síðu
Sunnudaginn 2. október n.k. í Þórnýjarbúð
Opið hús.
 24. september 2005 - 10:00

 Sunnudaginn 2. október kl 13 – 17 verða Björgunarsveitin Kjölur og Slökkvilið Kjalarness með opið hús í Þórnýjarbúð (áhaldahúsið við hliðina á Sorpu). Kynning verður á starfseminni, tækjakostur til sýnis, kassaklifur, hoppukastali og bátsferðir ef veður leyfir, kaffisala og margt fleira.

Sex slökkviliðsmenn eru í Slökkviliði Kjalarness og hafa yfir að ráða slökkvibíl af Ford F700, árgerð 1979.  Hann var keyptur notaður með öllum búnaði frá slökkviliðinu í Marlborough í New York fylki USA árið 1994 fyrir 1.8 millj. kr eftir að þáverandi slökkviliðsbíll skemmdist í bruna í áhaldahúsinu, Þórnýjarbúð.  Dælugeta “nýja” bílsins er 4000 l á mínútu !!

Slysavarnardeild Kjalarneshrepps var stofnuð 1949 og stóð hún fyrir björgunarsveit hreppsins, sem stofnuð var 26.apríl 1951.  Sveitin var nafnlaus í fyrstu en var nefnd 'Ernir' 1975, en nafnið Kjölur kom síðar.

Efst á síðu

 Áfram leitað á Viðeyjarsundi
 14. september 2005 - 23:00

Í dag var leit haldið áfram að manninum sem enn er saknað eftir sjóslysið á Viðeyjarsundi. Slöngubátar frá Kili og Ársæli leituðu saman strandlínu við Viðey og Engey fyrir hádegi á fjöru. Einnig var leitað á sjó NV af þeim stað sem báturinn sökk, milli Engeyjar og Viðeyjar. Aðstæður til leitar voru erfiðar norðanvert við eyjarnar, þar sem talsvert brimaði við land.

Á laugardaginn n.k. kl. 8:30 verður allsherjarleit skipulögð og er áætlað að bátur fari ásamt Econoline. Þeir sem eru lausir á laugardaginn hafi sambansd við Hermann í síma 8959705.

Efst á síðu
Leit á Viðeyjarsundi
 12. september 2005 - 19:00

Um helgina var sveitin kölluð út vegna slyssins á Viðeyjarsundi, þar sem bátur steytti á skeri undan Laugarnesi og sökk.
Á laugardeginum var slöngubáturinn í verkefnum frá kl. 06 - 19. Leitað var m.a. á svæði norður af Skarfaskeri, á ströndinni við Viðey og Þerney ásamt því að selflytja kafara og leitarhópa. Þrír félagar sáu um að manna bátinn yfir daginn, tveir í áhöfn hverju sinni. Tveir voru til vara og útveguðu jafnframt vistir og bensín á bátinn. Veður til leitar var gott eftir að fór að birta og siglt var fram og tilbaka frá Kjalarnesinu.
Á sunnudeginum hófst leit um tvöleytið og var farið af stað með slöngubát með 3 - 4 manna áhöfn, ásamt 2 kajökum í leit meðfram ströndinni við Sæbraut, við Leirvoginn og Lundey. Leitarhópar voru einnig selfluttir milli Sundahafnar og eyjanna. Hvasst var á Kjalarnesinu framan af degi og því var ekið með bátana í bæinn og þeir sjósettir í Snarfarahöfninni við Elliðavog og í Sundahöfn. Verkefnum lauk um sjöleytið.

Efst á síðu

 Starfsplan
 10. september 2005 - 10:00

Undir hnappinum Dagskrá hér til hliðar er nýtt starfsplan næstu mánaða, kíkið á það.  Það er í vinnslu og verður uppfært, fylgist með.

Efst á síðu
Nýjustu fréttir
 6. ágúst 2005 - 14:00

Undanfarnar vikur hafa verið rólegar, en þó hafa verið nokkrar bátaæfingar með og án kajaka. Tveir úr sveitinni fóru til leitar 20. júlí um kl. 9:30 í Þjórsárdal vegna manns sem var saknað frá kvöldinu áður. Hann fannst heill á húfi fyrir hádegi við Dímon, rétt áður en aðstoð af svæði eitt barst.
Annað leitarútkall kom 3. ágúst þegar spánverji kom ekki fram í skálann við Álftavatn að Fjallabaki. Aftur fóru tveir til leitar ásamt um hundrað björgunarsveitarmönnum. Leitarsvæði okkar ásamt mönnum frá Björgunarsveit Hafnarfjarðar var suðaustur af skálanum í Hrafntinnuskeri. Upp úr hádegi var leit afturkölluð þar sem maðurinn kom fram á Kirkjubæjarklaustri.

Efst á síðu

 Sjóæfingar
 16. júni 2005 - 22:00

Nýlega hafa verið tvær æfingar á sjó, báðar í frábæru veðri. Sú fyrri var sett upp sem gallasundæfing, þar sem menn syntu með frjálsri aðferð út í gúmmíbát, sem lá við akkeri um hálfan kílómetra frá landi og reru í land. Á seinni æfingunni æfðu menn saman á gúmmíbáti og kajökum. Ýmsar aðferðir voru reyndar við að draga kajaka með gúmmíbáti, félagabjörgun úr sjó og fara milli báta. Myndir af fyrri æfingunni eru >> .. hér og myndir frá námskeiði í fyrstu hjálp 2 í apríl síðastliðnum  >> ... hér

Efst á síðu
Æfa æfa æfa .. æfing skapar meistarann
 7. júni 2005 - 16:00

Athugið ! Æfing annað kvöld  þann 8.6.

Biggi ætlar að sjá um skemmtilega æfingu á heimasvæði annað kvöld (SMSboð á morgun). Vonast er til að allir blotni og því er ráðlagt að aukafatnaður sé tekinn með - eins er gott að vera með eitthvað til að skola kverkarnar.

Allir mæti í hús á venjulegum tíma.

 Efst á síðu

Landsþing SL og Björgunarleikar
Akureyri 2005
 24. maí 2005 - 17:20

Kjölur sendi 2 fulltrúa á landsþingið og eina sveit á björgunarleikana, sem fram fóru á Akureyri um síðustu helgi, 20. - 21. maí. Hópurinn mætti í grillveislu að Hömrum á föstudagskvöldið og heilsaði upp á aðra Landsbjargarmenn og konur víðsvegar af landinu. Á laugardaginn sátu Hólmar og Hermann þingið, sem ekki fór átakalaust fram, en endaði þó með "sáttum". Hin tóku þátt í björgunarleikunum,
 
 

 

Hópurinn á góðri stund (vantar Maríu)               
Fleiri Kjalarmyndir hérna...            

sem fóru fram víðsvegar um bæinn, ásamt 6 öðrum sveitum. Dalbjörg og Súlur sáu um skipulagningu og framkvæmd leikanna og var einstaklega vel vandað til verks. Verkefnin voru alls 9, fjölbreytt og skemmtileg, allt frá m.a. viðgerð á mannbroddum og festa tölu, yfir í hörku sig og rústabjörgun. Liðið stóð sig með prýði á sínum fyrstu björgunarleikum, var vel samstillt og hafði gagn og gaman af.
Úrslit voru kunngjörð á 
fjörugri árshátíðinni, laugardagskvöldið, en þá vorum við á heimleið í góðum fíling.

 

 

 
Síðasta verkefni...síðasti hópurinn, en engu að síður kátt á hjalla!!
Fleiri myndir hér            Bergur, HSSK

Úrslit;
1. Björgunarfélag Akraness
2. Hjálparsveit skáta Garðabæ
3. Hjálparsveit skáta Kópavogi
4. Björgunarsveit Hafnarfjarðar
5. Björgunarsveitin Suðurnes
6. Björgunarsveitin Kjölur
7. Hjálparsveit skáta Reykjavík
Efst á síðu

Kajakhópur Kjalar !
 18. maí 2005 - 19:20

Nýlega voru keyptir á vegum Kjalar fjórir sjókajakar af Prijon gerð ásamt tilheyrandi búnaði. Kaupin styrktu Sportbúð Títan og Samskip. Kajakarnir eru hugsaðir til leitar á svæðum sem erfitt er að komast að á annan hátt. Aðstæður við Kjalarnes henta vel til æfinga; grynningar, gjótur og skerjótt strönd. Fjórir félagar munu mynda leitarhóp í byrjun, en verið er að þjálfa fleiri.

Frá afhendingu kajakanna.

Efst á síðu

Kajaknámskeiðin hafin á ný ........
 18. maí 2005 - 19:10

Nú eru kajaknámskeið í samvinnu Kjalar og íbúasamtakanna hafin á ný. Þátttakendur kynnast sjókajakbúnaði og læra undirstöðuatriði í róðrartækni og geti bjargað sér og ferðafélögum sínum við einföldustu aðstæður. Kennt verður í sundlauginni á Klébergi, Kjalarnesi. Nánari upplýsingar hjá Baldvin í GSMsíma 6969559 og Önnu í GSMsíma 6168493 eftir kl 1900.

Efst á síðu

Það er leikur að læra ........
 29. apríl 2005 - 21:20

Um síðustu helgi sátu nokkrir úr sveitinni námskeið í fyrstu hjálp II í Skógarhlíð, ásamt fólki úr Sigurvon og Árborg.  Einnig sótti einn af bílstjórum okkar námskeið í neyðarbílaakstri hjá Hjálparsveit Skáta í Garðabæ.

Efst á síðu

Æfing í Hvalfjarðargöngum
17. apríl '05 kl 14:00

Laugardaginn 16.4.05 fór fram fyrsta stóra slysaæfingin í Hvalfjarðargöngunum, þar sem m.a. Slysavarnafélagið Landsbjörg kom að. Bjarga átti fólki úr tveim fólksbílum og einni rútu eftir árekstur og eldsvoða í miðjum göngum. Dagurinn byrjaði snemma því slysaförðun sjá myndir hér fyrir æfinguna fór fram í húsnæði okkar og slökkviliðsins. Alls voru um 35 "slasaðir" farðaðir og allt gólfpláss í húsinu nýtt. Útkallið kom kl. 10:15 og skömmu seinna tilkynntu hópar sig inn til svæðisstjórnar. Við fórum ásamt HSG sem sjúkrahópur og eins var bíll og bátur tilbúinn í að ferja fólk yfir fjörðinn. Veður var hins vegar það slæmt, SA 20 m/sek að alllur flutningur björgunarmanna frá suður- að norðurenda ganga fór fram með þyrlu. Við vorum síðasti hópur yfir fjörðinn og lentum við greiningartjald við norðurenda ganga, þegar æfingu var rétt ólokið. Verkefni dagsins höfðu gengið greiðlega og engin eftir fyrir okkur, en flugferðin yfir Grundarhverfi og Hvalfjörð bættu það aðeins upp.

Meðan hópurinn gekk frá í húsinu kom beiðni frá Neyðarlínu um aðstoð við fólk í bíl með farangurskerru, sem hafði fokið á hliðina í hvassviðri við Brynjudalsá í Hvalfirði. Fólkið var aðstoðað við að flytja hljómsveitarbúnað, sem var í kerrunni og kerruna sjálfa niður á Kjalarnes.

Efst á síðu

Landsæfing björgunarsveita
12. apríl '05 kl 19:00

Landsæfing Slysavarnafélagsins Landsbjargar var haldin 9. apríl á Austurlandi með þátttöku um 28 björgunarsveita. Fulltrúar Kjalar voru 5 manns ásamt Econoline og voru þeir allan tímann í samfloti með 6 manns úr sjúkrahópi HSG.  Farið var akandi suðurleiðina á Egilsstaði síðdegis á föstudegi. Á laugardeginum voru verkefni af ýmsu tagi fyrir alla flokka, en Kjölur/HSG unnu fyrstuhjálparverkefni, greiningu, forgangsröðun, meðhöndlun og flutning vegna rútuslyss og bílslyss innanbæjar. Dagskráin stóð frá kl. 5 og fram eftir degi í góðu veðri og lauk með sameiginlegum kvöldverði í boði SL og sundi.  Þar sem Kjölur var með einstaklega skemmtilegum Garðbæingum, lá ekkert á heim og því teygðist dvölin fram á sunnudag. Þá var haldið heim norðurleiðina með viðkomu í Grjótagjá við Reykjahlíð.

Efst á síðu

Félagafundur á Kjalarnesi
 6. apríl '05 kl 19:00

Þriðjudaginn 5. apríl komu fulltrúar flestra félaga, samtaka og ráða á Kjalarnesi saman að frumkvæði nýstofnaðs kvenfélags. Markmið fundarins var að vinna að því að styrkja innbyrðis tengsl íbúa á heimasvæðinu. Vinna má að forvörnum (unglinga) og standa að skemmtun á sumardaginn fyrsta, Kjalarnesdegi og Þorrablóti. Frekari fundahöld voru skipulögð. Fulltrúar Kjalar og kajaka: Baldvin og Anna.

Efst á síðu

Leit við Stokkseyri
5. apríl '05 kl 20:00

Leit fór fram að 28 ára gömlum Brasilíumanni í og við Stokkseyri um helgina. Kjölur mætti kl. 7 á mánudag með 9 göngumenn og fínleitaði í samvinnu með 4 - 5 manna sveit HSSR þrjú svæði norðaustur af Stokkseyri. Síðasta verkefni dagsins var að ganga fjöruna við Stokkseyri þegar fjaraði út. Tveir úr Kili fóru á meðan á lánskajökum til leitar í Löngudæl og Selvatni og lækjarfarvegum þar á milli. Komið var heim um kl. 23. Leit hefur nú verið hætt og hefst ekki aftur, nema nýjar upplýsingar komi fram.

Efst á síðu

Hvalfjarðargangaæfing
3. apríl '05 kl 16:00

Hvalfjarðargangaæfingin fer fram 16. apríl og þetta er í fyrsta sinn sem björgunarsveitir koma að æfingu í göngunum. Kveikt verður í bíl í göngunum og gert er ráð fyrir 45 slösuðum til að meðhöndla og koma á spítala. Kjölur hefur undanfarið kannað aðkomu á bát og bíl beggja vegna fjarðarins, þar sem gera verður ráð fyrir þeim möguleika að ferja björgunarmenn og jafnvel sjúklinga yfir. Sigling yfir tekur aðeins 5 - 10 mín á móti 40 mín. akstri (78 km) fyrir Hvalfjörð. Hvergi er akfært okkar megin alveg niður í fjöru, en mögulegt að lenda á nokkrum stöðum við gangamunna. Ströndin er almennt skerjótt og hár sjávarkambur. Góð lending er Akranesmegin rétt við gjaldskýlið.

Efst á síðu

Banff og "Beyond the Void"
3. apríl '05 kl 9:00

Mánudaginn 4. apríl verður Símon Yates með fyrirlestur og myndasýningu í Mörkinni 6 (hús FÍ). Yates og félagi hans Simpson lentu í hremmingum í ferð sinni á Siula Grande í Perú, árið 1985. Um þá sögu hefur bæði verið skrifuð bók og gerð kvikmynd (Touching the Void). Þetta er í fyrsta sinn sem Yates heimsækir Ísland, en hann er eftirsóttur fyrirlesari um allan heim. Dagskráin hefst kl. 20 og aðgangseyrir er 800 kr.
Banff-hátíðin fer fram 5. - 6. apríl í Smárabíói en það verða sýndar 19 fjalla- og ævintýramyndir sem spanna allt frá kajakferðum til snjóflóða. Fleiri upplýsingar og nánar um dagskrána hjá ÍSALP.

Efst á síðu

Slysaæfing með læknanemum
21. marz kl 21:00

Laugardaginn 19. mars héldu sjúkrahópar slysaæfingu fyrir læknanema þar sem þeir kynntust störfum björgunarmanna við hópslys af eigin raun. Öll vinna við greiningu, forgangsröðun, flutninga og meðhöndlun var í höndum læknanema. Þurftu þeir að sinna um 40 "slösuðum" meðan "jarðskjálftar" riðu yfir. Stefanía lék einn hinna slösuðu, en Árni Sveins og Anna fengu það skemmtilega hlutverk að leiðbeina læknanemum.

Mynd: Bergur hjá Hjálparsveit Skáta Kópavogi fleiri myndir hér

Efst á síðu

Vindstrengur yfir Grundarhverfi
18. marz kl 18:30

Í gær var mikið rok í Grundarhverfi og vindhviður fóru upp í 50 m/sek á Skrauthólum. Fjórar rúður brotnuðu í Klébergsskóla um hádegi. Síðdegis bað lögreglan björgunarsveitina um að huga að lausum þakkanti á húsi við Búagrund og lausu spýtnabraki sem dreifðist um bílastæðið við leikskólann. Einnig var hugað að foki og lausamunir tjóðraðir niður og fergðir annars staðar í hverfinu. Vaktina stóðu Andrés, Bergur og Anna og voru að frá 16:30 til 18:30.

Efst á síðu

Aðalfundur afstaðinn
18. marz kl 18:30

Aðalfundur BSV Kjalar var haldinn í Fólkvangi þriðjudaginn 15. mars s.l.  Þrettán félagar mættu og fimm löglega afsakaðir. Dagskrá var með hefðbundnum hætti. Hermann situr áfram í stjórn sem formaður, svo og Bergur og Henry, Anna er ritari í stað Sonju og til vara eru Stefanía og Kristinn.

Efst á síðu

Fjöruleitaræfing
03. marz kl 17:15

Í gærkvöldi var sviðssett sjóslys undan ströndum Kjalarness. Leitað var að fjórum mönnum sem allir fundust í mismunandi krefjandi ásigkomulagi. Fjörur voru gengnar í Hofsvík og á Presthúsatöngum. Fín og fjölbreytt æfing.

Efst á síðu

Samæfing sjúkrahópa á svæði 1
03. marz kl 17:00

Sl. mánudagskvöld var haldin venjubundin samæfing sjúkrahópa á svæði 1. Þrír WFR-arar fóru sveitinni ásamt astoðarmanni. Þar sem Kjölur hefur ekki skilgreindan skyndihjálparhóp munu WFR-arar sveitarinnar starfa með sjúkraflokki HSG.

Efst á síðu

Kvöldganga
17.febrúar kl 20:55

Henry, Hjalti og Árni fóru að kveldi 16. febrúar og klifruðu tvö snjó/ísgil í Búahömrum í Esju.

Efst á síðu

Námskeið í fjarskiptum
17.febrúar kl 20:50

Anna Filbert, Beggi, Sara og Kiddi fóru á námskeið í fjarskiptum á Laugarvatni þann 16. febrúar sl.

Efst á síðu

Fyrsta hjálp í óbyggðum
17.febrúar kl 20:40

14. febrúar kláruðu Árni G. Sveinsson, Anna L. Filbert og Henry A. Hálfdansson námskeið um fyrstu hjálp í óbýggðum og fengu í kjölfarið réttindi til að starfa sem Wilderness First Responder (WFR) að loknu prófi. Björn Guðmundur sem sat allt námskeiðið forfallaðist á prófdaginn og stefnir hann á að ljúka prófi sem fyrst í samvinnu við Björgunarskólann. Myndir frá námskeiðinu er hægt að sjá hér og hér, en BOI í HSSK á veg og vanda að myndunum.

Efst á síðu

Ýmsar ferðir í Esjuna
09.febrúar kl 23:00

12. janúar var farið í ísklifur/göngu í Sauðagili við Esjuberg. Aðstæður til klifurs ekki góðar þar sem mikið var um holklaka, en engu að síður var fundin leið upp ísfoss og niður kletta. Frábært veður, frost - logn - stjörnur.

26. janúar fór gönguhópur í Esjuför. Gengið var upp við Mógilsá, utan stíga og upp á Langahrygg og þaðan sömu leið niður aftur. Hlýtt var í veðri og þoka efst. Svell á stígum en drulla og snjór annarsstaðar.

Efst á síðu

Leiðbeinendur í Útivistarskólann
05.febrúar kl 14:20

Slysavarnafélagið Landsbjörg auglýsir eftir leiðbeinendum við Útivistarskólann að Gufuskálum í sumar. Starf þetta hentar menntaskólafólki mjög vel.
Áhugasamir þurfa helst að vera með leiðbeinendaréttindi í fleirum en einu fagi frá Björgunarskólanum. Umsóknarfrestur er til 28. febrúar 2005.
Áhugasamir sendi inn umsókn á joningi@landsbjorg.is

Efst á síðu

Bílaflokkur
05.febrúar kl 13:55

Þann 12. janúar var haldinn bílaflokksfundur þar sem farið var yfir skipan bílstjóra, umgengnisreglur, dekkjakaup og fleira. Alls eru átta bílstjórar, og er Bergur formaður flokksins. Bílaflokkur verður með finnukvöld/fundi annan miðvikudag í hverjum mánuði.

Efst á síðu

WFR námskeið
31.janúar kl 11:50

Anna, Björn Guðmundur, Henry og Árni hafa undanfarnar helgar setið stíft við lærdóm á WFR námskeiði á vegum Björgunarskólans sem haldið er í skemmu HSSK. Hægt er að sjá myndir af námskeiðinu hér og hér, í boði BOI (Bergs í HSSK).

Efst á síðu

Ísklifur
31.janúar kl 11:30

Farið var í ísklifur í Búahamra ofan Esjubergs þriðjudaginn 18. janúar í frábæru veðri. Eftir að hafa klárað nokkra fossa var ákveðið að nota veðrið og fara hærra í fjallið. Að endingu var komið niður að Mógilsá um miðnætti. Ekki er hægt að birta myndir sem voru teknar vegna myrkurs...  :(

Efst á síðu

Endurskinsmerki
31.janúar kl 11:15

18. janúar fór Björgnarsveitin Kjölur fór með endurskinsmerki frá VÍS í Leikskólann Berg og Klébergsskóla og afhenti öllum nemendum.

Efst á síðu

Aðstoð í Esju
31.janúar kl 11:00

Laugardaginn 15. janúar óskaði Neyðarlínan eftir að sveitin sendi menn til að aðstoða Neyðarsveit Slökkviliðsins vegna manns sem hafði hrasað á göngustígnum ofan við Mógilsá.

Er komið var á staðinn bárust fréttir af því að maðurinn væri mun slasaðri en haldið var í fyrstu og breyttist þar af leiðandi umfang aðgerðanna á þann veg að þyrla LHG sótti manninn og flutti hann á sjúkrahús.

Ljóst er að boðun í þetta verkefni var ekki í samræmi við vinnureglur svæðisstjórnar og strax hefði átt að vera ljóst hvers eðlis útkallið var.

Efst á síðu

Útkall vegna vélsleðaslyss, 08.01.'05
8.janúar kl 17:50

Um ellefuleytið í morgun var beðið um að sveitin sendi tafarlaust bíl, fjóra menn og skyndihjálparbúnað upp á Mosfellsheiði vegna vélsleðaslyss sem gerst hafði þar skömmu áður. Náðist strax í Önnu Filbert, Henrý, Kidda og Þórð sem héldu strax af stað.  Þegar komið var á vettvang voru þar fyrir félagar okkar úr Björgunarsveitinni Kyndli í Mosfellsbæ sem voru byrjaðir að veita fyrstu hjálp.  Þórður tók að sér hinn slasaða þangað til félagar hans  úr slökkviliðinu komu á sjúkrabíl og fluttu hinn slasaða á sjúkrahús.

Efst á síðu

Prófun á boðkerfi, 06.01.'05
6.janúar kl 17:20

Björgunarsveitin Kjölur lét gera prófun á boðkerfi gegnum 112,
síðdegis á fimmtudegi, og var svarhlutfall 83 % af útkallslista. 
Á fyrstu 5 mínútunum svöruðu 70 %...
...stórkostleg bæting miða við síðustu prófun!!

Efst á síðu

Bílaflokksfundur 12.janúar
Miðvikudaginn 12.jan., kl 20:30, verður bílaflokksfundur í húsi
þar sem farið verður yfir skipulag, markmið, reglur m.a.
Allir þeir sem áhuga hafa á að starfa með
bílaflokki mæti.
Á sama tíma verður  farið í göngu, þeir sem ekki eru í bílaflokki.

Efst á síðu

2005

Gleðilegt nýtt ár!!
31.desember '04 kl 17:40

Viljum þakka sýndan stuðning á liðnu ári um leið og við
óskum ykkur farsældar á því nýja.
Farið varlega á áramótunum og notið viðeigandi
öryggisbúnað þegar verið er að skjóta upp flugeldum.

Sveitin: Enn eru til rauðar Cintamani WindPro á lager hjá Önnu.
Þeir sem eiga eftir að greiða fyrir peysur geri það sem
fyrst til sama aðila.
Herrasnið kostar 10.515 kr.
Dömusnið kostar 8.305 kr.
Prófun á útkallslista: í byrjun janúar verður gerð prófun á
útkallslista sveitarinnar og eru menn beðnir að fylgja
fyrirmælum sem fram koma í sms-i.

Efst á síðu

Flugeldasala!!
25.desember kl 11:57

Flugeldasala sveitarinnar verður staðsett milli
Þórnýjarbúðar (áhaldahús) og Sorpu v/Norðurgrund..

Opið verður eftirfarandi daga:
28.desember kl:13 - 22
29.desember kl:13 - 22
30.desember kl:13 - 22
31.desember kl:13 - 16  

Efst á síðu

Annasöm jól hjá björgunarsveitum:
25.desember kl 11:31

Allar sveitir á höfuðborgarsvæðinu voru kallaðar út á aðfangadagskvöld. 
Leita átti að týndum einstaklingi í Vogahverfi og fór Kjölur með
ellefu manns á tveimur bílum.
Kjölur leitaði í Laugardalnum með bíl og gönguhópa, ásamt
Hjálparsveit skáta Garðabæ.
Hinn týndi fannst síðan heill á húfi í Vogahverfinu og var það
besta jólagjöfin sem hægt var að hugsa sér.
Síðan var haldið heim í áframhaldandi jólaboð og pakka..

Sjá nánar af annasömum jólum hjá björgunarsveitum um land allt!!

Efst á síðu

Undirbúningur fyrir flugeldasölu:
14.desember kl 22:00

Á morgunn, miðvikudagskvöldið 15.desember, er áframhaldandi
undirbúningur fyrir flugeldasölu.
Meðal annars verða fleiri skilti máluð, smíðavinna í gámnum
 og margt fleira! 
Margar hendur vinna létt verk!!

Myndir frá síðasta vinnukvöldi hafa bæst inn á hér..

Efst á síðu

Fundahöld:
 10.desember kl 21:20

Á morgunn, laugardaginn 11.desember, er fundur í Skógarhlíð vegna
komandi flugeldasölu.
Fundur hjá bílaflokki frestast fram yfir áramót...

Efst á síðu

Bátaæfing
6.desember kl 18:45

Sunnudaginn 5.des var kallað út í gegnum 112 og mættu
6 menn úr báta - og bílaflokki í hús skömmu seinna.
Æfingin fólst m.a. í því að fara í gegnum vinnuferlið við útkall báts,
sjósetningu, siglingu og frágang á eftir.
Veður var ekki gott: austan 15-25 m/s, brim við ströndina og öldugangur.
Báturinn hélt sig við land í Hofsvíkinni enda spáði versnandi veðri.
Sjósetning og lending var flóknari heldur en ella en gekk engu að síður
ágætlega.  Kristinn stóð sig vel í sinni fyrstu ferð sem bílstjóri með
bátakerruna.
Á sjó var æfð björgun við öldungang og rek, flothæfni galla og
viðbrögð ef björgunarmaður fellur útbyrðis undir leiðsögn Reynis sjómanns.
Góð æfing þar sem allir komu klofblautir og
saltbaðaðir heim!

Efst á síðu

Afhending lokaskýrslu vegna flugslysaæfingar á Reykjavíkurflugvelli
30.nóvember kl 22:47

Í dag var afhent lokaskýrsla flugslysaæfingarinnar REYKJAVÍK 2004, og mættu tveir fulltrúar frá sveitinni á fundinn.

Eftir snöggan yfirlestur á skýrslunni ber ekki á öðru en að sveitin hafi staðið sig með afbrigðum vel á æfingunni, sem og aðrar sveitir Landsbjargar sem tóku þátt.

Af þessu tilefni eru fleiri myndir komnar inn á vefinn HÉR.

Efst á síðu

Mikilvægur fundur hjá bílaflokki
 28.nóvember kl 12:05

Fyrirhugaður er fundur um skipulagsmál með öllum þeim sem vilja
starfa í bílaflokki...
Nánari tímasetning auglýst síðar!

Fleiri myndir komnar inn!

Efst á síðu

Sala á kertum hefst í dag!!
20.nóvember kl 13:00

Hin árlega kertasala sveitarinnar hefst í dag,
laugardaginn 20.nóvember, og stendur yfir í viku. 

 

Efst á síðu

Myndir komnar inn!
20.nóvember kl 12:00

Loksins búið að hlaða inn myndum á síðuna!
Myndir frá flugslysaæfingunni á Keflavíkurflugvelli, smölun o.fl.

Endilega kíkið á þær!!

Efst á síðu

Yfirlit frá 13.nóvember
20.nóvember kl 11:30

Anna, Baldvin, Henry (+ hundar), Hjalti, Kristinn, María og Stefanía
lögðu af stað um tíuleytið á laugardagsmorgni, síðastliðinn.
Farið var að Kiðafelli og sest inn í kaffi hjá heimafólki.  Eftir kaffispjallið
var keyrt inn í Hvalfjörð og smölunin plönuð.  Og svo lagði hópurinn af stað upp
Eyrarfjall í leit að Kiðafellskindum.
Smölunin tók lengri tíma en áætlað var og voru margir orðnir heldur svangir
þegar allar kindur voru loks komnar niður af fjalli og á leið inn í hús.
Þegar á bæinn var komið bauð húsfreyjan upp á dýrindis kjötsúpu og var tekið
hressilega til matar síns!
Með mettan maga var svo lagt af stað í Garðabæinn til að aðstoða
HSG við frágang alls konar á nýja húsnæðinu þeirra.
Þrif og smíðavinna var það sem við komum helst að þar.  Unnið var fram
eftir kvöldi (Birgir bættist í hópinn), boðið var upp á flatböku og gos
fyrir mannskapinn..  Henry og Hjalti mættu einnig þangað daginn eftir
og var hjálp þeirra mikils metin.

Efst á síðu

Hugsanleg leitaræfing
16.nóvember kl 15:00

Miðvikudagskvöldið, 17.nóvember kl.20:00,
verður sennilega létt leitaræfing. 
Ef ekki, verður örugglega eitthvað annað skemmtilegt í boði!
Mætið bara gölluð og hress!!

Kertasalan hefst svo á laugardaginn..

Efst á síðu

Smalamennska og vinnudagur með HSG!!
12.nóvember kl 21:00

Afmælisbarn miðvikudagsins, Hjalti, fékk hressandi göngu um
heimasvæði sitt að kvöldi sama dags!
Með honum í för voru Anna, Birgir, Henry og María.
Veðrið að síbreytilegt..en engu að síður stutt og hressandi ganga!!

Mæting upp í hús kl 09:30 á morgunn, laugardaginn 13.nóvember. 
Farið er að Kiðafelli og aðstoðað við að smala af fjalli til ca. 14:00. 
Þaðan er svo haldið í Garðabæinn og tekið til hendinni við að
fullklára nýtt húsnæði hjá Hjálparsveitinni.

Myndir sem ritarinn okkar tók á flugslysaæfingunni er
hægt að skoða hér...

Efst á síðu

Ganga í kvöld
 10.nóvember kl 12:00

Í kvöld kl. 20:00 verður farið út að ganga!
Endilega mætið!!

Efst á síðu

Æfing á Keflavíkurflugvelli
 8.nóvember kl 20:40

Rúmlega hálftólf, laugardaginn 6.nóvember var allt tiltækt björgunarlið af
svæði 1 og 2 samankomið hjá Keflavíkurflugvelli.
Þegar útkallið kom loks voru sveitirnar sendar inn á svæðið í hollum og
fékk hver sveit ákveðið verkefni.
SSS (söfnunarsvæði slasaðra) var okkar staður..
..en þar sem helmingur af sjúklingaleikurunum vantaði var eins og klippt á
innstreymið af sjúklingum þegar klukkan var ekki nema rúmlega tvö.
Eftir það var bara að koma sjúklingum á sjúkrahús, frágangur og annað
þar til æfingin var formlega kölluð af.
Boðið var upp á heita súpu og meðlæti á Stapanum, Keflavík eftir æfinguna.

Æfingin gekk betur fyrir sig en hin fyrri á Reykjavíkurflugvelli
enda lært af reynslunni og margt hægt að gera betur.

Myndir frá okkur koma inn með tímanum en hér er hægt að
skoða myndir sem Björgunarsveitin Ársæll tók á æfingunni.

Efst á síðu

Flugslysaæfing í dag - nýtt útlit á síðuna
 06. nóvember kl 13:46

Þegar þessi orð eru rituð er lunginn af sveitinni staddur á Keflavíkurflugvelli að taka þátt í umfangsmestri flugslysaæfingu síðari ára. Myndir og fréttir af því síðar.

Síðan hefur tekið miklum stakkaskiptum, en skipt hefur verið um útlit á henni. Hefur síðan þróast mikið síðastliðna mánuði eftir því sem vefstjórar eru orðnir leiknari í html-forritun. Við vonum að allir taki viljann fyrir verkið!

Efst á síðu

Ævintýraferð starfsfólks Teits Hópferða
 31. október kl 14:00

Óskað var eftir að sveitin sæi um öryggi starfsfólks frá ferðaskrifstofu Teits í ævintýraferð þeirra vegna sigverkefnis sem hópurinn átti að leysa í Almannagjá laugardaginn 30 október.

Ákveðið var að skoða aðstæður eftir vinnu á föstudeginum en þar sem Henry var ekki búinn að vinna fyrr en kl. 10 um kvöldið var lagt frekar seint af stað sem var bara ekkert verra.  Var brunað austur á Skugganum með Björninn, Hjalta og Henry og fundnir staðir fyrir tryggingar og prófaðar leiðir í myrkrinu en þegar menn töldu komið nóg var þegið kaffi hjá næturverðinum í Valhöll og sagðar ógurlegar draugasögur til kl 03:00.

Eru næturverðinum færðar okkar bestu þakkir fyrir.

Á laugardagsmorgun var svo ræs og haldið austur en á leiðinni bættust Maggi skagamaður og Stefanía  í hópinn en Björninn tók að sér fararstjórn með hópnum frá Teiti.

Á staðnum voru settar upp tryggingar, baktryggingar og ennþá fleiri baktryggingar, og settar línur í ýmsar leiðir.  Var allt klárt þegar hópurinn frá Teiti birtist með Björninn í broddi fylkingar sem hafði bundið á sig gjallarhorn eitt mikið en úr þvi komu hin verstu óhljóð.  Björninn hófst þegar handa við að láta fólkið síga niður í Almannagjá og gékk það með afbrigðum vel en það var hreint ótrúlegt hvað fólkið bar sig fagmannlega við sigið enda Björninn einn af bestu fjallaleiðbeinendum landsins.

Þegar á leið var Hjalti sendur í leiðangur til að sækja glaðning handa þeim sem voru komnir niður en var sá leiðangur hin mesta skemmtun.  Á endanum voru allir komnir niður og fór þá hópurinn frá Teiti í mat í Valhöll en við hin að gera upp línur og taka upp tryggingar.  Þegar við vorum að klára, kom hraðboði frá Teiti með þau skilaboð að okkar biði matur með hópnum og var það þegið með miklum þökkum enda allir orðnir svangir.

Þetta ævintýri var allt hið skemtilegasta og er Teiti Hópferðum og starfsfólki þakkað kærlega fyrir samstarfið.

Myndir eru komnar

Efst á síðu

Vel mætt í pökkun!
28.október - 21:00

Á miðvikudagskvöldi síðastliðnu mætti hópur af fólki til að aðstoða við að paka kertum, fyrir hina árlegu kertasölu sveitarinnar.  Pökkunin kláraðist á mettíma!
Að henni lokinni var aðeins rýnt í útbúnað og græjur og dagskrá sveitarinnar skoðuð.

Framundan: verkefni fyrir sveitina á Þingvöllum.  Hafið samband við Henry eða Björn Markús!

Nú fer að næsta flugslysaæfing að nálgast.  Undirbúningskvöld í vikunni fyrir æfinguna.
Fylgist með á síðunni.  Nánari upplýsingar eru að finna hér.

Efst á síðu

Björgunaræfing í Borgarvík
24.október 2004 - 22:00

Í gær var haldin mikil björgunaræfing í Borgarvík á Kjalarnesi með fjallaflokki og björgunarbáti sveitarinar. Sveitin var "kölluð út" til að aðstoða Krókodílamanninn sem hafði fallið fyrir kletta á norðanverðu Kjalarnesi. Farið var með bát á staðinn til að nálgast hann neðanfrá en fjallaflokkur fór fram nesið til að komast að honum ofanfrá. Var svo deginum eytt við ýmsar klifur og björgunaræfingar með þeirri nýbreytni að hafa bát með í för enda var hvergi hægt að lenda þurrum fótum í fjörunni. Þurfti fjallaflokkur því að æfa bæði sig og klifur til baka. Bátaflokkur fékk mjög góða æfingu í að "tryggja" bátinn við kletta og var notast við dreka og baujufæri. Sjá myndir hér.

Efst á síðu

Upprifjun í notkun áttavita
24.október 2004 - 22:00

Fimmtudagskvöldið 21. október var haldin "skrifborðsæfing" í áttavitanotkun. Lagði Henry útpælt verkefni fyrir mannskapinn sem stóð sig með afbrigðum vel við að setja út miðanir í kort. Hér er hægt að nálgast verkefnið, en það er fengið að láni úr bókinni Notkun áttavita og korta eftir Óskar Þór Karlsson, en það var staðfært fyrir heimasvæði sveitarinnar.

Efst á síðu

Óveður - rúta fauk
24.október 2004 - 22:00

Skaðræðis veður gerði um vestanvert landið aðfaranótt 19. október, og var beðið um aðstoð sveitarinnar að morgni þriðjudagsins við að negla þakkant á hús á sem var að fjúka. Um kvöldið kom beiðni um að gæta rútu sem hafði oltið snemma um morguninn, og var höfð vakt við flakið alla nóttina og fram á morgun þegar flakið var fjarlægt. Nóttinni var m.a. eytt í að stúdera stórmyndina "Touching the Void".

Efst á síðu

Fjölmennum á fund!!
17.október 2004 - 22:00

Á þriðjudaginn, þann 19.október, er fundur í Þórnýjarbúð með manni frá
björgunarsviði Landsbjargar.  Farið verður yfir heilmargt sem tengist björgunarmálum og mun hann einnig svara spurningum sem við kunnum að hafa. Fundurinn hefst klukkan 20:00 en sveitarmeðlimir eru vinsamlegast beðnir um að mæta örlítið fyrir þann tíma..skilaboð verða send.

Því fleiri sem mæta, því betra!!

Efst á síðu

Afmælisganga 13.október:
 16.október 2004 - 13:20

Margt var um manninn í Þórnýjarbúð, miðvikudagskvöldið 13.október.  En þegar kom að því að leggja af stað í göngu inni í Hvalfirði þá voru ekki fleiri en sex manns sem stigu fram: Anna, Henry, Hjalti, Magnús, María og Sonja.
Hitt liðið hélt áfram að spjalla inni á meðan hin sex fræknu lögðu af stað inn í Hvalfjörð. Stefnan var tekin á Valshamar og var labbað þangað í stilltu veðri og rigningaúða.  Þegar komið var að klettinum var raðað á jörðina snúðum, köku og drykkjarföngum: haldið upp á afmæli Henrys og Maríu!  Eftir veitingarnar var klætt sig í sigbeltin og drifið sig upp á klett.
Tryggingar, línur og svo framvegis...Henry var fljótur að fara niður eina leiðina sem reyndist vera svokölluð 'kvenfélagsbrekka' að hans mati!!  Hin leiðin var hin ágætasta og fór hver minnst tvisvar.. ..nema Anna og Sonja sem vildu bíða með að síga þangað til farið væri í björtu!
Ferðin heppnaðist vel og fóru allir heim þreyttir og ánægðir með kvöldið!
Myndir eru komnar inn

Framundan er fundur með Landsbjörgu (sjá starfsplan) og að sjálfsögðu göngur!  Flugslysaæfing á Keflavíkurflugvelli fer að nálgast..minni enn og aftur á starfsplanið...
SKOÐIÐ ÞAÐ REGLULEGA!

Efst á síðu

Útkall ... afturkall:
9.október 2004 - 18:10

Rúmlega fjögur í dag voru björgunarsveitir á svæði 1 kallaðar út í leit.  Senda átti þær upp í Bláfjöll að leita að fólki í göngu...en ekki leið á löngu þar til útkallið var afturkallað..
..Hjálparsveit hafði fundið fólkið!

Síðastliðinn miðvikudag var unnið í bátnum, spjallað og síðan keyrt að Helgafelli.  Árni, Birgir, Baldvin, Björn M., Henry, Hjalti, Jón H. og Kristinn voru í þeirri ferð sem lauk ekki fyrr en að ganga 2 um nótt!
Anna og María voru á Fyrstu hjálpar I æfingu úti á Granda, ásamt nýliðum
Björgunarsveitarinnar Ársæll.  Sú æfing gekk sæmilega..en æfingin skapar meistarann!

Efst á síðu

Starfsplan komið!!
6.október 2004 - 13:40

Undir 'Dagskrá sveitar' er að finna starfsplan sveitarinnar sem nær fram í október á næsta ári.
Sveitarmeðlimir eru beðnir um að fylgjast með planinu reglulega.
Hægt er að fletta mánuð fram í tímann og aftur í tímann og svo koll af kolli. 
Þetta er gert með því að smella á nafn mánaðarins sem skoða á.

Endilega kíkið á dagskránna!!

Í kvöld: vinnukvöld og fleira..allir sem sjá sér fært að mæta .. mæti! ☺

Efst á síðu


Fyrsta hjálp I búin...
5.október 2004 - 23:40

Síðustu helgi fór Anna og María á námskeið í Fyrstu hjálp I með nýliðum
björgunarsveitarinnar Ársæll.  Byrjað var strax á föstudagskvöldið að fara yfir efni..og svo var
haldið áfram á laugardagsmorgni og fram eftir degi.  Hörku námskeið og hresst fólk!
Nú er ritarinn okkar kominn úr 'útlegð' og einnig er búið að sjóða
saman dagskrá sem ætti að duga í eitt ár!!
Miðvikudaginn 6.október verður farið í göngu.  Lagt verður af stað frá Þórnýjarbúð
kl: 20.00 og allir sem vilja mæta.
Kl: 19.30 sama kvöld er æfing í fyrstu hjálp hjá Bjsv. Ársæli...myndir frá námskeiðinu
er hægt að nálgast hér.

Efst á síðu


Ganga upp Helgafell:
1.október 2004 - 18:15

Hellisheiðin var löbbuð í tungsljósi  29.september í blíðviðri. 
Vinnukvöld þann 30.september var vel sótt og komst eitthvað í verk.  Það sem er framundan: Yfir þessa helgi er námskeið með björgunarsveitinni Ársæli, svo á miðvikudaginn, 6.október er ganga..Helgafellið tekið fyrir!

Efst á síðu

Ganga og fundur framundan:
28.september 2004 - 11:20

Miðvikudaginn 29.september er áætlað að fara í göngu um Hellisheiðina að kvöldlagi.  Allir sem sjá sér fært að koma, mæta upp í hús kl: 20.30.
Kvöldið eftir, fimmtudaginn 30.september, kl:20.30 er fundur ... allir sem hafa tíma: mæta!

Efst á síðu

Flugslysaæfing á Reykjavíkurflugvelli:
28.september 2004 - 11:10

Á laugardaginn var fór sveitin af stað með 11 manna hóp á flugslysaæfinguna eftir að sms hafði verið sent út um tólfleytið.  Þegar á staðinn var komið og búið að tilkynna sig var farið að sinna ýmsum störfum s.s. björgun á slysstað, flutningi á slösuðum, leit,
aðhlynningu og skráningu.
Hópurinn stóð sig mjög vel, en hefðu mátt vera fleiri verkefni. Unnið var skv. drögum að nýrri flugslysaáætlun Rvíkur flugvallar og var almennt talið að æfingin hafi tekist vel, þótt margt þurfi að lagfæra bæði hjá hinum ýmsu aðilum og eins skipulagið sjálft. Hér eru myndir.


Flugslysaæfingarhópurinn, frá vinstri: Sara, Jón Harðar, Henry, Árni,
Sigurborg Ósk, Hólmar, María, Anna, Hjalti og Birgir.
Á myndina vantar: Stefaníu.

Meðan sveitin beið eftir að börur skiluðu sér í hús Flugbjörgunarsveitarinnar, eftir æfinguna, aðstoðuðum við systur Hjalta við að bera marga rúmmetra af WC pappír og eldhúsrúllum
milli hæða á stúdentagörðum.

Efst á síðu

Komandi flugslysaæfing:
22.september 2004 - 16:20

Í gærkvöldi var ýmiss konar undirbúningur vegna flugslysaæfingarinnar enda margt smátt sem þarf að huga að!  Á morgunn er svo aftur undirbúningskvöld og eru þáttakendur  í æfingunni  sérstaklega beðnir um að mæta. Drög að flugslysaæfingunni eru að finna hér ásamt ýmsum öðrum upplýsingum.

Efst á síðu

Óveðursútkall í morgun:
16. september 2004 - 11:10

Kl:06.16 var sent út útkall gult á svæði 1. Milli hálfsjö og sjö vorum við sex tilbúin að leggja af stað en mætum formanninum á leiðinni niður í Jörfagrund. Á byggingasvæðinu þar var húsgafl farinn í heilu lagi og ekkert sem við gátum gert meira þar. Keyrt var um hverfið, skjólveggur skorðaður af, bílskúrshurð lokað, tunnur settar í skjól og bátskrifli fært til. Fleiri bættust í hópinn þegar farið var upp að grunnskólanum. Þar var brotin rúða og tekið var við að loka honum og setja plast í rammann. Kyndill var kallaður út að Vallá að týna upp þakplötur. Á meðan vorum við að týna upp spýtnabrak og fleira við leikskólann. Eignatjón var eitthvað í hverfinu; brotnar rúður í húsum og bílum, tjón á báti og fleira.
Mikið var hringt í bíl sveitarinnar og spurt um hvort ófært væri í bæinn. Reynt var að ráðleggja fólki eftir bestu getu útfrá gerð bíls og láta fólkið meta það sjálft líka hvað það gæti.
(sjálfvirk veðurathugunarstöð við Skrauthóla, 16.september)

Þegar komið var upp í hús um níuleytið leið ekki á löngu áður en tilkynnt var um laust bárujárn á fjósþaki að Skrauthólum. Þangað fóru flest allir sem mættu í útkallið en vopnaðir fleiri nöglum og hömrum en í morgun. Snarpar vindhviður voru við Skrauthóla en vel gekk að ganga frá illa leiknu þakinu. Lögreglan mætti á svæðið og smellti af nokkrum myndum af mannskapnum á þakinu. Loks var farið að bænum Gili og nokkrar plötur skorðaðar af svo ekki meira tjón hlytist af þeim.
Meira var ekki af verkefnum og því fór mannskapurinn heim..í bili.
Þeir sem að mættu í útkall: Andrés, Anna, Árni, Bergur, Birgir, Guðmundur, Henry, Hermann, Jón Harðar og María. Vel mætt og vel að verki staðið!!

Minni á fund í kvöld..nýliðafundur, kl:20.30!

Efst á síðu

Ný síða í vinnslu:
12. september 2004 - 19:03

Gjaldkeri sveitarinnar hefur verið með einsdæmum virkur það sem af hausti er liðið og hefur hann m.a. búið þannig um að sveitin hefur nú eigin netslóð. allt er þetta á vinnslustigi..en framundan er lokun þessa vefrits og opnun www.bjorgunarsveit.com

Nánar auglýst síðar...

Efst á síðu

Æfing tókst vel..
12. september 2004 - 18:52

Á auka-aðalfundinum síðastliðinn fimmtudag var margt um manninn. Mikið var umrætt á þeim fundi og ákafi í mönnum mikill vegna komandi flugslysaæfingar m.a.
Sent var út sms frá 112 í morgunn um æfingu. 7 manns mættu upp í hús og var farið yfir þær upplýsingar sem okkur voru gefnar og síðan var lagt af stað með bátinn í teymi. Þrír fóru út á bátnum og fjórir fóru á bíl. Leita átti að kajakræðara sem heyrðist síðast frá þegar hann var hjá Kjalarnestá. Þangað fór bátaliðið og silgdi það síðan suður í átt að Kollafirði. Þaðan labbaði gönguhópurinn fjörurnar norður á móti þeim. Bátaliðið kom fyrst auga á kajakinn yfirgefinn í fjöruborðinu við bæina Tinda, Móa og Enni. Beðið var eftir gönguhóp og síðan farið upp á land að leita að 'manninum'. Hann fannst 100 m frá fjörunni, neðan við bæinn Enni, og var honum skellt á börur og labbað með hann upp á veg.
Æfingin þótti vel heppnuð og eftir að gengið hafði verið frá ,og skolað af tækjum og búnaði, var farið yfir hvað hefði betur mátt fara og hvað við gætum lært af þessu...

En framundan er nýliðafundur, fimmtudaginn 16.september kl. 20:30. Auglýsingar verða sendar í hús í vikunni.

Efst á síðu

Námskeið í boði:
6. september 2004 - 15:57

Framundan er heill hellingur af námskeiðum hjá Landsbjörgu og eru sveitarmeðlimir hvattir til að kynna sér þau á síðu Landsbjargar..

Minni á auka-aðalfund, komandi fimmtudag (9.september) kl:20:30.

Efst á síðu

Fundadagskrá þessa mánaðar:
3. september 2004 - 12:47

Fjölmenni var á fundinum í gærkvöldi og m.a. var rætt um viðhald ýmiss konar og komandi námskeið. Sett var niður dagsetning á auka-aðalfundi: fimmtudaginn 9.september, kl:20:30. Á honum verður m.a. farið yfir drög að nýjum lögum/reglugerðum sveitarinnar og þau vonandi samþykkt o.sv.fr. Eftir tvær vikur, fimmtudaginn 17.september, kl:20:30 er svokallaður nýliðafundur. Sá fundur verður auglýstur nánar síðar.
Á morgun, laugardaginn 4.september hefur sveitin samþykkt að leggja til fylgd vegna kajak marathons sem stendur yfir. Kajakræðararnir eru ræstir kl:09:30 frá Geldinganesi og fylgir sveitin þeim eftir á bátnum að Hvammsvík.
En annað framundan: meiri tiltektir í áhaldahúsinu (nokkrir hraustir meðlimir sveitar eru þó mikið búnir að taka til hendinni!), endurnýjun korta, lagasetning og samningaviðræður...nú verður sko brett upp ermar!
Vefstjóri mun svo reyna að gera sitt til að halda uppi nýjum upplýsingum hér til hliðar..

Efst á síðu

Sveitin í gang!
31. ágúst 2004 - 13:52

NÁMSKEIÐ: Fyrsta hjálp 1 verður að Skógarhlíð, 10.-12.september. Nánar verður fjallað um það á komandi fundi.
Nú fer að hausta og tími kominn á að dusta af fundarhöldum sveitarinnar. Eins og áður þá eru fundir fyrir alla sveitina 1.fimmtudag hvers mánaðar kl:20:30. Þannig að fimmtudaginn 2.september klukkan hálfníu er fyrsti fundur vetrarins..endilega látið sjá ykkur!

Efst á síðu

Nýtt í ágúst:
10. ágúst 2004 - 14:55

Verslunin Fjallakofinn hefur hafið starfsemi sína að Bæjarhrauni 14, Hafnarfirði. Linkur er á heimasíðu þeirra undir tenglar. Allir björgunarsveitarmeðlimir fá 10% afslátt í Fjallakofanum.

Nokkur pláss eru laus í Útivistarskólann 5. og 12.ágúst nk. Útivistarskólinn heldur 6 daga námskeið þar sem kennd er fyrsta hjálp, bjargsig, ferðamennska, rötun, notkun áttavita, kortalestur, hnútar, að sigla slöngubátum, kassaklifur, upplifa rústir og margt fleira. Svo eru það sjálfsögðu allskyns aðrar skemmtanir, leikir og fleira.
Skráning og upplýsingar eru í síma 570-5900.

Golfmót Slysavarnafélagsins Landsbjargar 2004 Verður haldið á Strandarvelli á Hellu sunnudaginn 29. ágúst næstkomandi. Keppt verður í karla og kvennaflokki og er leikfyrirkomulag punktakeppni. Hámarksforgjöf er hjá körlum 30 en hjá konum 36.
Verðlaun verða veitt fyrir fyrsta til þriðja sætið, nándarverðlaun á öllum par 3 holum, einnig fyrir besta skorið auk annara verðlauna. Mæting er kl 11:15 og er ræst út kl. 12:00
Mótsgjald er 2000 kr. og er innifalið í því hamborgari eftir keppni.
Skráning er í síma 570-5900 eða í netfangið hilmarg@landsbjorg.is
Gefið upp forgjöf og félagseiningu við skráningu. Athugið að takmarkaður fjöldi kemst í mótið.

Efst á síðu

Tvö leitarútköll
31. júlí 2004 - 10:32

Í júlímánuði hefur sveitin aðstoðað við leit í Gravarvoginum og á Kjalarnesinu. Leit á heimasvæði okkar er enn ekki lokið en óljóst er hvenær leit verður haldið áfram.

Efst á síðu

Frá Kjalarnesdegi:
3. júlí 2004 - 20:41

Hvassviðri var laugardaginn 26.júni þegar Kjalarnesdagurinn var. Auglýst var að sveitin myndi bjóða upp á siglingar á gúmmíbátnum en hætta varð við það vegna veðurs. Binda þurfti gúmmíbátinn niður á kerruna og var vonast eftir að hann (vindinn) myndi lægja, en kerran og báturinn þar með líka fóru aldrei lengra en að Fólkvangi, félagsheimili Kjalnesinga. Anna og Baldvin voru þeir meðlimir sem létu sjá sig við störf en meiri mannskap vantaði ekki og því kom það ekki að sök...fleira er ekki fréttnæmt!

Efst á síðu

Nýjasta nýtt:
18. júní 2004 - 14:08

Búið er að bæta við nokkrum tenglum af síðu Landsbjargar hér til hliðar og fleira á eftir að bætast við með tímanum...
Og eins og margir sveitarmeðlimir kannast við þá verður starfsemi sveitarinnar í lægð yfir sumarið: fundastarfsemi og fleira leggst nánast af. Hermann formaður mun tilkynna ef námskeið eða annað liggur fyrir.
Þó eru atburðir eins og Kjalarnesdagurinn þar sem sveitin mun vera við störf.

Efst á síðu

Umf.ráð að gefa björgunarsveitum húsgögn
10. júní 2004 - 16:12

Umferðaráð hyggst gefa björgunarsveitum og slysavarnadeildum húsgögn, Fyrstir koma fyrstir fá, verið í sambandi við Óla H. Þórðar olih@umferd.is hjá Umferðaráði.

Efst á síðu

Mikið hefur gengið á...
10. júní 2004 - 15:28

Viðgerðir og fleira í tenglsum við bát og búnað hefur gengið svo hratt undanfarið að gleymst hefur að tilkynna það hér á síðunni! En þetta er það sem hefur gerst:
2.júní: Bátakerran kláruð og báturinn settur á kerru
3.júní: Farið með bátinn í viðgerð
En núna er báturinn kominn úr viðgerð og búið að prufu-sigla hann.

Útköll og kajaksiglingar eiga ekki vel saman og eitthvað þarf að skoða betur frágang á kajökunum og því dóti sem þeim fylgir. Enn og aftur er þarna komið inn á skort okkar á geymsluplássi. Þetta verður vonandi komið í lag sem fyrst, enda skiptir miklu máli að bíllinn sé klár í útkall.

Efst á síðu

Kerran komin!
20. maí 2004 - 21:22

Eins og Henry gjaldkeri sagði: ''kraftaverkin gerast!''. Meðal þess sem var gert á fundinum var að taka á móti 'kerruni' sem var í galvaniseringu. Nú eru bara vinnudagar framundan..

Efst á síðu

Fundur á fimmtudaginn!
18. maí 2004 - 16:24

Allir sem vettlingi geta valdið, mætið á fund uppi í áhaldahúsi!!
Fimmtudaginn 20.maí kl:20:30

Efst á síðu

Kajakkennsla auglýst bráðlega
17. maí 2004 - 12:24

Íbúasamtökin muna á næstu dögum auglýsa opinberlega kajakkaupin og komandi kennslu á þá. Sunnudagskvöldið, í gærkvöldi, fóru Anna, Björn, Hólmar og María út á kajaka frá Brautarholti, nánar tiltekið frá Borgarvík. Farið var með hundana hans Björns um borð, og nærliggjandi víkur skoðaðar. Anna og Hólmar fengu sér sundsprett og segja má að Hólmar búi yfir hafsjó af reynslu núna! Þar sem við höfðum fengið leyfi frá röngum landeigenda var komið við hjá réttum eiganda landsins sem við fórum inn á, hann Páll gamli á Brautarholti. Rætt var við hann um víkurnar og fleira og hann sagði okkur frá sjóslysum og strandi á þessu svæði. Að lokum var keyrt niður í áhaldahús
og allt dótið þrifið og hengt upp.

Efst á síðu

Ritarinn okkar á faraldsfæti!
15. maí 2004 - 12:53

Gamalreyndi ritarinn okkar er eins og flestir vita á ferð um Evrópu og kemur ekki til landsins fyrr en um miðjan júnímánuð. Hún heldur uppi þeim heiðri sem ritara sæmir og
skrifar 'dagbók' um ferðina á http://sonjaronja.blogspot.com

Efst á síðu

Tilþrif í sundlauginni
15. maí 2004 - 12:04

Í gærkvöldi, föstudaginn 14.maí, fóru Anna, Baldvin og Jóhanna út á sjó á kajökunum.
Veðrið var ágætt og tókst vel til. Núna í morgunn var svo ræst út starfsmaður Íþróttamiðstöðvarinnar til að hafa opið fyrir kajakkennslu kl:9:15. Farið var með kajakana upp eftir og fengu tveir busar að spreyta sig: einn sveitarmeðlimur og einn hverfisbúi.
Mikið var buslað og svamlað og Baldvin og Anna miðluðu þekkingu sinni.
Um ellefuleytið var Björn kominn og með honum voru tveir krakkar úr Mosfellsbæ sem vildu fá að prófa. Á eftir honum kom svo kunningi hans sem einnig vildi setjast í fleyið.
Fleiri æfingar verða hugsanlega, dagsetningar koma inn síðar.

Efst á síðu

Íbúasamtökin kaupa kajaka!
13. maí 2004 - 15:31

Íbúasamtök Kjalarness keyptu 2 kajaka sem verða í vörslu Björgunarsveitarinnar og hefur Björn boðið sig fram til að kenna áhugasömum á græjurnar. Um síðustu helgi 8.-9. maí var hann var með kajakkennslu í sundlauginni og smáferð út á sjó. Það stendur til að hafa aftur námskeið um næstu helgi og verður nánari dagskrá í þessum málum auglýst síðar.

Efst á síðu

Aðalfundur 2004
13. maí 2004 - 15:20

Aðalfundur var haldinn í Fólkvangi, miðvikudaginn 5.maí. Farið var yfir hvað var gert síðasta árið, útgjöld o.fl. Kosið var í stjórn og voru litlar breytingar: Henry kosinn gjaldkeri og Björn sleginn vararitari!

Efst á síðu

Síðan er í vinnslu!
9. maí 2004 - 16:27



Síðan verður vonandi komin sem fyrst í gagnið..
Vefsíðustjórar

Efst á síðu

Upplýsingasíða sveitarinnar opnuð?!
6. maí 2004 - 12:00

Hér með er síða sveitarinnar formlega opnuð!
hér verða færðar inn fréttir fyrir meðlimi sveitarinnar..
 

2004

 
Síðast uppfært 09-01-2011

© Allur réttur skilin að börum og sárabindum 2004
Vefstjóri:  Theodór Theodórsson