Útköll:

33.  Leit við Borgarnes
16. ágúst 2010 - 20:20
13. ágúst kl 11:25. F2 gulur. Kallað út til leitar að konu við Borgarnes, sem hafði farið að heiman frá sér á mánudeginum. Viðbótarmannskapur af höfuðborgarsvæðinu var kallaður út þegar fyrstu leitir voru árangurslausar. Tveir menn fóru og leituðu á fjórhjóli. Konan fannst látinn daginn eftir 10 km suður af Borgarnesi.
~:~

32.  Útafkeyrsla á Snæfellsnesi
16. ágúst 2010 - 20:17
10. ágúst kl 10:46. F3 grænn. Ekið var fram á Dodge pallbíl sem lent hafði utan vegar i talsverðum halla við Öndverðarnes á Snæfellsnesinu. Ekki urðu slys á fólki en börn í bílnum urðu skelkuð og eitt dekkið affelgaðist. Bíllinn var dreginn upp á veg og skipt um dekk. Fordinn var á ferðinni að sækja Stormsunglinga á Gufuskálum.  
~:~

31.  Eldur í bát við Kjalarnes
9. ágúst 2010 - 21:54
9. ágúst kl 14:46. F1 rauður. Landhelgisgæslan óskaði eftir aðstoð vegna elds í bát vestur af Kjalarnesi. Þrír menn voru klárir í sjósetningu þegar afturköllun barst skömmu síðar. Þá hafði eldurinn verið slökktur og báturinn tekinn í tog af bátum í nágrenninu.
~:~

30.  Ferðalangar í vandræðum við Arnarvatn
29. júlí 2010 - 20:54
22. júlí kl 18:30. F2  gulur. Neyðarlínan kallaði eftir aðstoð Hálendisgæslunnar vegna bíls sem sat fastur í á, á Stórasandsleið, norðan við Langjökul. Fjórir lögðu af stað á Kjöl 1 frá Hveravöllum, en þegar ljóst varð að staðsetningin var við Arnarvatn, var snúið við. Björgunarsveitin Ok kláraði dæmið neðan úr byggð. 
~:~

29.  Bíll í Blöndu
29. júlí 2010 - 20:51
21. júlí kl 11:00. F2  gulur. Útkall vegna bílaleigubíls sem festist í Blöndu á meðan sveitin var í Hálendisgæslu á Kili. Boðað gegnum bílaleiguna og staðarhaldara á Hveravöllum - Neyðarlínu gert viðvart. Fimm fóru á Econoline og dróu bílinn upp úr ánni.
~:~

28.  Slys í Esjunni
25. júlí 2010 - 21:31
11. júlí kl 18:11. F2  gulur. Útkall vegna slyss með böruburði Esjunni. Þyrla Landhelgisgæslunnar var í grenndinni og sótti hinn slasaða. Tveir menn voru á leið úr húsi á fjórhjóli, þegar afturköllunin barst.
~:~

27.  Innanbæjarleit
11. júlí 2010 - 09:01
10. júlí kl 12:34. F2  gulur. Leit að manni í Reykjavík. Slöngubátur með tveimur mönnum sigldi yfir og leitaði með ströndinni frá Skarfakletti og austur úr. Farið var upp að Elliðaánnni og inn í Grafarvoginn þar sem þriðji maður bættist við áhöfn. Voru fjörur leitaðar allt að Straumsvík og einnig leitað á landi í kringum Fossvoginn. Hinn týndi fannst heill áhúfi í Fossvogsdalnum um kl 16.30.
~:~

26.  Slys í Miðdal
8. júlí 2010 - 22:05
7. júlí kl 14:02. F2  gulur. Kallað út vegna slyss er varð þegar bíll ók út af veginum og ofan í skurð í Miðdal í Kjós. Einn maður fór á staðinn og hlúði að ökumanni sem hlaut höfuðmeiðsl, þangað til sjúkrabíll kom.
~:~

25.  Strand við Akurey
22. júní 2010 - 21:35
19. júní kl 15:30. F2  gulur útkall vegna lundaskoðunarbáts sem strandaði nálægt landi austan við Akurey. Slöngubátur með þremur mönnum voru á bátamessu HSSK við Kópavogshöfn og fór á staðinn ásamt fleiri björgunarbátum SL. Farþegar voru ferjaðir í stærri skip og aðstæður kannaðar á strandsstað. Engin hætta á ferðum en báturinn var vaktaður fram að því að hann losnaði á flóði um kvöldið.
~:~

24.  Fótbrot í Esjunni
22. júní 2010 - 21:32
17. júní kl 16:57. F2  gulur. Kona sótt á börum á göngustígnum neðan við Einarsmýri af SHS og björgunarsveitarmönnum í sameiningu. Tveir Kjalarmenn gengu á slysstað og aðrir tveir mættu á fjórhjólinu. 
~:~

23.  Leit í Landbroti
13. júní 2010 - 20:48
10. júní kl 10:40. F2  gulur. Farið til leitar á svæði 16 vegna ungs manns sem var saknað frá því um nóttina. Þrír fóru á Patrol með fjórhjól. Maðurinn fannst heill á húfi um kl 13:30
~:~

22.  Eldur í vörubíl
26. maí 2010 - 19:35
22. maí kl 23:38. F2  Útkall á vegum og til aðstoðar SHS vegna elds í ökumannshúsi vörubíls sem lagt hafði verið á viktarplaninu við Hvalfjarðargöngin. Patrol var nýttur til flutninga á slökkviefni og mannskap. Alls fóru 5 menn í útkallið á dælubíl og björgunarsveitarbíl.
~:~

21.  Öskuhreinsun við Skóga
26. maí 2010 - 19:32
22. maí kl 08.30.  F3  Óskað eftir aðstoð við öskuhreinsun  undir Eyjafjöllum á vegum Almannavarnadeildar Ríkislögreglustjóra. Farið var með dælubúnað SHS á kerru og aska skoluð af þökum útihúsa og íbúðarhúsa að Drangshlíðardal. Þrír menn ásamt Patrol voru að allan daginn við góðar aðstæður.

~:~
20.  Eldur í sumarhúsi í Kjós
18. maí 2010 - 19:30
16. maí kl 16:12. F2  Útkall á vegum og til aðstoðar  SHS vegna elds í sumarhúsi á Norðurnes-svæðinu. Einn maður á Patrol fór á staðinn með lausa dælu til vatnsöflunar á kerru. Nágrönnum tókst að slökkva eldinn að mestu áður en aðstoð barst. Alls mættu þrír dælubílar ásamt lögreglu í útkallið .
~:~

19.  Klifrari féll í Esjunni
18. maí 2010 - 19:26
16. maí kl 14:46. F1 rauður Útkall vegna manns sem féll um 5-6 m við klifur við Heljaregg í Esjunni. Tveir fóru að Esjubergi og Dýjahlíð á fjórhjóli og Patrol. Þyrlan sótti manninn þar sem erfitt var að komast á slysstað gangandi.
~:~

18.  Leit í Reykjavík
9. maí 2010 - 08:36
6. maí kl 6:14. F2 gulur Leit að Breta sem ekkert hafði spurst til frá því kvöldið áður. Fimm fóru til leitar með Patrol, fjórhjól og reiðhjól og leituðu í Laugardalnum, Elliðaárdalnum, í Skeifunni og Háteigshverfi. Maðurinn fannst látinn í Hafnarfjarðarhöfn um kvöldið.
~:~

17.  Dæluverkefni við Skóga
1. maí 2010 - 16:19
24.-25. apríl. F3  Dæluvinna aðallega við Skóga þar sem aska var smúluð af húsum og plönum. Laus dæla og slöngur í 250 m lögn með frá SHS, sem nýttust vel. Þrír menn við vinnu á laugardeginum og fjórir á sunnudeginum. Patrol ásamt dælukerru.  
~:~

16.  Drengur fótbrotnar
1. maí 2010 - 16:09
24. apríl kl 12:00. F2   Neyðarlínan boðaði vegna slyss í íþróttamiðstöðinni að Klébergi, þar sem ungur drengur fótbrotnaði. Tveir menn fóru og hlúðu að uns sjúkrabíll kom. 
~:~

15.  Hreinsunarstörf undir Eyjafjöllum
27. apríl 2010 - 22:19
22. apríl. F3 grænn  Hreinsunarstörf á bæjum undir Eyjafjöllum. Aska hreinsuð af þökum, úr yfirfullum þakrennum og af stéttum/pöllum við hús af björgunarsveitarmönnum víðs vegar af landinu.. Fjórir menn fóru á Patrol og voru fram á kvöld 
~:~

14.  Maður slasaður á fæti
20. apríl 2010 - 21:24
20. apríl kl 11:55. F2 útkall á vegum SHS, vegna manns sem slasaðist við störf hjá Stjörnugrís í Saltvík. Einn maður frá Kili og einn frá slökkviliðinu fóru á vettvang á Patrol. Sjúkrabíll kom skömmu síðar. 
~:~

13.  Ökklabrot í Esjunni
20. apríl 2010 - 21:24
17. apríl kl 15:12. F1 rauður. Tilkynnt um ökklabrot fjallgöngumanns í Esjunni ofan brúar, kalt í veðri. Undanfarar, Kyndill og Kjölur boðaðir. Einn maður fór fótgangandi frá Mógilsá og annar á Kjöl 10 á slysstað. Ökkli spelkaður og maðurinn fluttur niður í sjúkrabíl.
~:~

12.  Hættustig í Keflavík
14. apríl 2010 - 21:44
13. apríl kl 13:13. F2 gulur útkall vegna efnagufu í farþegarými Boeing 767 þotu sem var ákveðið að lenda í Keflavík. 5 úr áhöfn fengu aðhlynningu. Tveir úr Kili fóru á söfnunarsvæði í Straumsvík uns afturköllun barst um kl 14:20. 
~:~

11.  Leit í Esju
14. apríl 2010 - 21:44
7. apríl kl 21:10. F2 gulur. Leit í Esju að stúlku á göngu, sem óttast var um, en kom síðar fram. Patrol + fjórhjól og 5 menn fóru af stað.
~:~

10.  Leit við Hattfell
14. apríl 2010 - 21:44
6.  apríl kl 19:00. F2 gulur. Leit að manni úr þriggja manna hópi sem fór akandi inn Fljótshlíð að skoða gosið en skilaði sér ekki til baka. Farið af stað með Patrol + fjórhjól og 3 menn. Maðurinn fannst látinn um kl 21:30. 
~:~

9.  Hættuástand á Fimmvörðuhálsi
5. apríl 2010 - 13:41
31. mars kl 19:00. Rýming á Fimmvörðuhálsi og Mýrdalsjökli að beiðni almannavarnarnefnd Ríkislögreglustjóra. Aðgerðin fór af stað þegar ný sprunga opnaðist fyrirvaralaust NV af eldstöðvunum í lok gosvaktar á svæðinu. Lögregla og björgunarsveitir komu akandi og gangandi fólki á hættusvæði niður á láglendi. Kyndill var með bíl og fjóra menn - Kjölur með einn mann. 
~:~

8.  Leit við Hveragerði
6. mars 2010 - 09:35
5. mars kl 8:48. F2 gulur. Útkall vegna leitar að manni sem ekkert hafði spurst til frá því kvöldið áður. Leitað var um nóttina og óskað eftir viðbótarmannskap um morguninn. Maðurinn fannst látinn skömmu síðar. Þrír menn fóru til Hveragerðis á Kjöl Wagon en leit var afturkölluð áður en hópurinn fékk verkefni.
~:~

7.  Bíll losaður úr festu
6. mars 2010 - 09:35
28. febrúar kl 17:00. F3 grænn. Fólksbíll, sem hafði farið út af veginum við Melagerðisafleggjara og sat fastur í skafli, var spilaður upp. Tveir menn fóru á Patrol.
~:~

6.  Leit að stúlku í Reykjavík
27. feb 2010 - 09:35
26. febrúar kl 21:35. F2 gulur. Útkall vegna leitar að ungri stúlku í Reykjavík. Tveir menn fóru til leitar á Patrol og einn á fjórhjóli. Stúlkan fannst heill á húfi skömmu áður en Kjalarmenn hófu leit.
~:~

5.  Slys í Svínaskarði
27. feb 2010 - 09:35
20. febrúar kl 13:30. F2 gulur. Óskað eftir aðstoð vegna manns sem hafði oltið á fjórhjóli  í norðanverðu Svínaskarði. Maðurinn var sóttur á Patrol og fluttur á móts við sjúkrabíl. Þrír menn fóru í flutininginn. Þrír aðrir Kjalarmenn aðstoðuðu ásamt fleiri björgunarsveitarmönnum á slysstað.
~:~

4.  Leit í Reykjavík
18. feb 2010 - 20:25
15. janúar kl 21:24. F2 gulur. Útkall vegna leitar að manni í Reykjavík. Fimm menn fóru til leitar á Patrol. Maðurinn fannst heill á húfi skömmu eftir að komið var á upphafsstað leitar í Seljahverfi.
~:~

3. Mosfellsbæjar-vindstrengur
18. feb 2010 - 20:20
14. febrúar kl 18:53. F2 gulur. Óskað eftir aðstoð við að festa þakkant sem var að losna á tveggja hæða húsi í Mosfellsbæ. Hvasst á Kjalarnesinu en aðeins gola í Mosfellsbæ. Létt verk fyrir fjóra menn á Patrol.
~:~

2.  Leit í Hvalfjarðarbotni
25. jan 2010 - 22:01
22. janúar kl 9:30. F2 gulur. Útkall vegna leitar að manni við Botnsá í Hvalfirði. Tveir menn fóru á Patrol með slöngubát, tveir til viðbótar ásamt fjórhjóli komu seinna. Hinn týndi fannst í Botnsvogi um kl. 16.30.
~:~

1.  Umferðarslys við Hvalfjarðargöng
7. jan 2010 - 13:51
6. janúar kl 12:12. F1 útkall á vegum SHS vegna bílveltu við Saurbæ. Ökumaður einn í bíl og hugsanlega fastur. Hlúð að hinum slasaða þangað til sjúkrabílar komu af Tunguhálsi. Þrír menn fóru á Kjöl 2 auk tveggja slökkviliðsmanna á dælubílnum.
~:~

2010

- - - - - -
Árið 2009;
50 útköll alls,
þar af 11 vegna SHS
þrjú F2 gul útköll urðu á innan við 6 klst 21. júlí.

Týnd kona innanbæjar
1. jan 2010 - 16:51
30. desember Kl 20:13 F2 gulur: leit að konu innanbæjar. Afturkallað kl 20:38. Útkallið kom í miðri flugeldasölutörn og fóru allir nema tveir, sem er lágmarksmönnun í sölunni.
Sem sagt, 5 menn á Patrol.
~:~

Barn í krampa í Kjós
20. des 2009 - 10:16
19. desember Kl 12:05 F2 Neyðarlínan boðar vegna barns í krampa vð skógræktarsvæði í Brynjudal.  500 m upp í hlíð og mjög kalt í veðri.
2 menn fóru með fyrstu hjálparbúnað og Patrol fór úr húsi síðar. Sjúklingur tekinn í sjúkrabíl við Laxá.
~:~

Hvasst á Kjalarnesi
13. des 2009 - 15:06
10. desember Kl 23:00 F2, gulur böndum komið á kerru sem var að fjúka á Vesturlandsvegi.
3 menn + Patrol.
~:~

Hvalfjörður
13. des 2009 - 14:56
9. desember Kl 9:00 F3 grænn Rafgeymir sóttur í fjöruna við Hvammsvík og komið til lögreglu.
3 menn + Patrol og bátur.
~:~

Kafaraslys í Hvalfirði
13. des 2009 - 14:56
8. desember Kl 15:09 F1 rauður útkall vegna kafaraslyss við Hvammsvík í Hvalfirði þar sem kafari lést við köfun við annan mann. 2 menn, Patrol + bátur, aðstoðað við að ferja búnað.
~:~

Umferðaróhapp á vesturlandsvegi
26. okt 2009 - 19:58
23. október Kl 18:53 F3 SHS kallar út til aðstoðar við slökkvilið og lögreglu vegna umferðaróhapps þriggja ökutækja á vesturlandsvegi skammt ofan við OLÍS stöðina. Olíuhreinsun. Patrol og tveir menn, komu aftur kl 21:15 í hús.
~:~

Bílvelta við Víkurgrund
12. okt 2009 - 19:36
9. október Kl 21.26 F1  Kallað út vegna tilkynningar um bílveltu við Víkurgrund. Við eftirgrennslan kom í ljós að ekkert slys hafði átt sér stað. Fimm menn fóru á staðinn með fyrstuhjálpar búnað.
~:~

Óveðursaðstoð á Kjalarnesi
12. okt 2009 - 19:36
9. október Kl 9.40 F3 grænt útkall vegna óveðurs á Kjalarnesinu. Fóru hviður á Skrauthólum yfir 50 m/sek allan daginn, mesta veðurhæð 58 m/sek. Talsvert af verkefnum í Grundarhverfi og nágrenni - brotnar rúður, lausir hlutir, þakkantar, flutningur á skólabörnum o.fl. og komu fleiri sveitir úr bænum til aðstoðar. Verkefni hættu að berast um kl. 19. Alls voru 6 Kjalarmenn að störfum og báðir bílarnir.
~:~

Endurlífgun í Grundarhverfi
6. okt 2009 - 21:56
4. október Kl 10.55 F1 útkall vegna endurlífgunar. Fimm menn fóru á staðinn með fyrstuhjálpar búnað. Lögregla og sjúkrabílar komu um 10 mín. seinna.
~:~

Leit í Hvalfirði
27. sept 2009 - 9:46
25. september Kl 00:17 F2 gulur, útkall til leitar við Hvalvatn að tveim mönnum sem gengu frá bíl sínum í festu við Hvalvatn. Veður var slæmt og mennirnir vanbúnir til útivistar. Urðu þeir viðskila hvor við annann, en fundust loks heilir á húfi.
Tveir menn fóru til leitar við Botnsá á Kjöl2 og leit var afturkölluð um kl 7.
~:~

Óhapp við Hvalstöð
3. sept 2009 - 20:42
16. ágúst Kl 12:30 F2, Neyðarlínan óskar eftir að Kjölur 2, sem er á keyrslu í grennd við Hvalstöðina fari til aðstoðar vegna barns með hugsanlega hryggs- og hálsáverka eftir fall.
Sjúkrabíll kemur á vettvang um svipað leyti. Einn maður og jeppi.
~:~

Slys í Hvalfjarðargöngum
12. ágúst 2009 - 22:30
11. ágúst Kl 16:25 F2, útkall á vegum SHS. Árekstur þriggja bíla í göngunum. Slökkvilið og sjúkrabílar frá Akranesi voru fyrstir á staðinn. Ekki alvarleg meiðsl á fólki. Tveir menn fóru á Fordinum.
~:~

Fótbrot í Svínaskarði
9. ágúst 2009 - 14:30
5. ágúst Kl 16:38 F2 gulur, útkall vegna manns sem talið var að væri fótbrotinn í Svínaskarði, austan Esju. Komið var að manninum og hlúð að, þangað til frekari aðstoð við böruburð barst. Hinn slasaði var fluttur með HSSR á móts við sjúkrabíl. . Tveir menn fóru á Ford og sá þriðji fékk far með Ársæli.
~:~

Bíll fastur í Blöndu
9. ágúst 2009 - 14:20
3. ágúst Kl 18:35 F1 rauður, útkall gegnum bakvakt Hálendisgæslu vegna bíls stopp í miðri ánni á efra Blönduvaði. Ökumaður einn um borð í sjálfheldu. Bíll spilaður upp í nokkrum tilraunum. Ökumanni og um 13 samferðamönnum komið í skjól á Hveravöllum. Þremur jeppum snúið frá vaðinu og leiðbeint með aðra leið á Hveravelli. Þrír Kjalarmenn á Ford og einn maður með jeppa frá HSSH.
~:~

Trukkur í vanda við Kerlingafjöll
9. ágúst 2009 - 14:20
3. ágúst Kl 14:35 F3 grænn, beiðni gegnum skálavörð í Kerlingarfjöllum Hálendisgæslu um að aðstoða DAF trukk á slóðanum inn að Setri. Trukkurinn dreginn upp lausa brekku og fylgt upp að gatnamótum við Ásgarðssskála. Tveir menn á Ford.
~:~

Fótbrot við Hagavatn
9. ágúst 2009 - 14:10
1. ágúst Kl 16:35 F2 gulur, útkall gegnum Neyðarlínu Hálendisgæslu vegna manns sem talið var að væri fótbrotinn við Hagavatn. Ökklinn spelkaður og maðurinn fluttur í Ford 15 km á móts við sjúkrabíl. Björgunarfélagið Eyvindur var líka kallað til vegna hugsanlegs böruburðar. Tveir menn á Ford.
~:~

Bíll í sjálfheldu við Hagavatn
9. ágúst 2009 - 14:10
31. júlí. Kl 19:15 F2 gulur, gegnum bakvakt Hálendisgæslu vegna jeppa sem talið var að væri fastur í á við Hagavatn. Jeppinn reyndist vera í sjálfheldu utan slóða, í brekkunni austan við Farið og var spilaður upp. Tveir menn á Ford.
~:~

Rafmagnslaus bíll við Leppistungur
9. ágúst 2009 - 13:50
29. júlí. Kl 18:00 F3 grænn, beiðni gegnum bakvakt Hálendisgæslu vegna bifreiðar sem var rafmagnslaus á slóða sv við Kerlingafjöll. Gefið start og bifreiðinni fylgt út á Kerlingafjallaafleggjara. Tveir menn á Ford.
~:~

Grennslast fyrir um bíl á Kjalvegi
9. ágúst 2009 - 10:50
25. júlí. Kl 23:00 F3 grænn, beiðni frá lögreglunni á Selfossi gegnum bakvakt Hálendisgæslu um að gá að bifreið þar sem sprungið hafði á tveimur dekkjum. Staðsetning um það bil klst akstur frá Gullfossi. Ekki fannst bíllinn en vegfarandi taldi sig hafa séð aðstoðarbíl á staðnum og því reiknað með að snúið hafi verið suður aftur. Þrír menn fóru á Fordinum.
~:~

Umferðaróhapp á Hellisheiði
9.ágúst 2009 - 10:44
24. júlí. Kl 15:15 F1 rauður  Komið að útafkeyrslu á Hellisheiðinni á leið í Hálendisgæslu á Kili. Neyðarlínu gert viðvart og hugað að ökumanni sem var einn í bílnum, ásamt lækni og hjúkrunarfræðingi sem komu að. Staðfest meðvitundarleysi í fyrstu og súrefni gefið. Hlúð að manninum þangað til sjúkrabílar komu. Sex manns frá Kili á báðum bílunum.
~:~

Leit við Nesjavallaleið
22. júlí 2009 - 19:44
21. júlí. Kl 20:36 F2 gulur, útkall vegna leitar að manni á Nesjavallaleið. Þar sem tvö útköll voru í gangi á sama tíma, var ákveðið að fara fyrst í Esjuna og að því loknu eða upp úr miðnætti í næstu aðgerð. Þrír menn með Patrol og fjórhjól leituðu á svæðinu frá Nesjavallavegi að Suðurlandvegi um nóttina.
~:~

Fótbrot í Esjunni
22. júlí 2009 - 19:44
21. júlí. Kl 20:36 F2 gulur, útkall vegna fótbrots við efsta skilti á gönguleið á Þverfellshorn. Farið með skel, teppi og skyndihjálparbúnað og hlúð að hinum slasaða, þangað til frekari aðstoð barst. 3 menn, fjórhjól og Ford.
~:~

Brynjudalur
22. júlí 2009 - 19:44
21. júlí. Kl 14:45 F2 gulur, útkall vegna böruburðar. Afturkallað kl 15:09
Þrír menn á Ford og fjórhjól lögðu af stað úr húsi.
~:~

Hættustig í Keflavík
22. júlí 2009 - 19:44
20. júlí. Kl 14:22 F2 gulur útkall vegna Boing 763 sem tilkynnti um reyk í stjórnklefa, 190 farþegar um borð. Tveir menn fóru á Patrol á söfnunarsvæði bjarga við Straumsvík. Afturköllun kom tæplega hálftíma síðar þegar vélin hafði verið rýmd.
~:~

Fótbrot við Þverfellshorn
19. júlí 2009 - 13:14
17. júlí. Kl 10:43 F2 gulur, útkall vegna fótbrots ofarlega við Þverfellshorn. Þar sem erfitt var að bera hinnn slasaða niður, var þyrla kölluð til. Þrír frá Kili aðstoðuðu SHS við að ferja búnað upp, búa um hinn slasaða og taka á móti þyrlunni. Patrol og fjórhjól.
~:~

Bátur strand við Lundey
19. júlí 2009 - 13:14
15. júlí. Kl 15:38 F2 gulur - boðað aftur skömmu síðar sem F1 rauður, vegna farþegabáts sem strandaði við Lundey. Tíu manns um borð og talsverður halli á bátnum. Tveir menn voru með slöngubátinn tilbúinn til sjósetningar þegar ljóst var að ekki var þörf á frekari aðstoð.
~:~

Ungbarn í andnauð
19. júlí 2009 - 13:14
11. júlí. Kl 10:20 F1 SHS, ungbarn í öndunarerfiðleikum við Meðalfellsvatn í Kjós. Ekið á móts við þau ásamt lögreglunni og læknabíl. Aðstoð veitt þar til sjúkrabíll kom. Læknabíll ferjaður á bráðadeild barna. Björgunarsveitarbíll og tveir menn.
~:~

Reykur út í móa
9. júlí 2009 - 21:24
7. júlí. Kl 11:03 F2 SHS, mikill reykur norðan við OLÍS Esjuskála. Óstaðfest hvað væri að brenna. Í ljós kom að kveikt hafði verið í rusli. Dælubíll og björgunarsveitarbíll, með í allt 5 mönnum.
~:~

Skúta strönduð
4. júlí 2009 - 9:44
1. júlí. Kl 19:25 F1 rauður, útkall vegna skútu sem strandaði á Engeyjarrifi. Ekkert amaði að áhöf, fimm manns og skútan var losuð af strandstað af björgunarskipinu Ásgrími þegar hafði flætt að. Tveir menn á báti fóru í útkallið.
~:~

Leit að manni
1. júlí 2009 - 20:48
28. júní. Kl 14:00 F2 gulur, útkall til leitar að manni við Straumsvík.  Maðurinn fannst um þrem klst síðar, heill á húfi. Tveir menn fóru til leitar.
~:~

Týndir í Esjunni
8. júní 2009 - 21:45
6. júní. Kl 21:42 F2 gulur útkall vegna týndra göngumanna í Esjunni. Fyrst var einn týndur í þoku og síðan bættust tveir útlendingar við og skömmu síðar gekk einn íslendingur fram á hina þrjá og gat leiðbeint þeim niður af fjallinu. Kjölur kom á móts við hópinn við Steininn. 4 göngumenn fóru á Patrol og tveir á fjórhjóli.
~:~

Fótbrot í Esjunni
6. júní 2009 - 21:15
4. júní. Kl 21:18 F2 gulur útkall vegna fótbrotins göngumanns í Esjunni ofan við brú. Fjórhjólið fyrst á slysstað, SHS aðstoðað við að koma hjólbörum upp og flytja sjúkling niður - alls 3 manns frá Kili.
~:~

Leit að manni á Ingólfsfjalli
31. maí 2009 - 18:25
24. maí. Kl 20:15 F2 gulur útkall vegna leitar að manni á Ingólfsfjalli. Afturkallað 6 mín. síðar. Maðurinn fannst heill á húfi. Þrír menn klárir í bíl þegar afturköllun barst.
~:~

Slösuð kona í Esju
21. maí 2009 - 08:47
20. maí. Kl 16:41 F2 gulur útkall vegna slasaðrar konu á göngustíg í Esju. Aðstoðað við að flytja konuna á hjólabörum niður. Fjórhjól og einn maður.
~:~

Bíll losaður úr festu
17. maí 2009 - 20:27
16. maí. Kl 20:00 beðið um aðstoð við aða losa bíl úr festu í fjöru við Arnarholt. Bílinn var spilaður upp. Bíll og einn maður.
~:~

Maður með brjóstverk í Kjós
17. maí 2009 - 20:27
16. maí. Kl 18:08 F1 SHS. Útkall vegna einstaklings með brjóstverk við Meðalfellsvatn. Bíll og 2 menn fóru uppeftir. Afturkallað 10 mín. síðar þegar í ljós kom að sjúklingur hafði verið keyrður niður á Kjalarnes til móts við sjúkrabíl.
~:~

Leit í Mosfellsbæ og nágrenni
16. maí 2009 - 10:17
14. maí. Kl 20:41, F2 gulur leitað að einstaklingi í Mosfellsbæ og nágrenni. Afturkallað tveim tímum síðar. Fannst heill á húfi í Reykjavík. 1 bíll 3 menn.
~:~

Aðstoð í óveðri
10. maí 2009 - 18:15
8. maí. Kl 17:30, beiðni um aðstoð frá félagsmiðstöðinni Flógyn að ferja upp á Kjalarnes 27 unglinga úr Grafarvogi ásamt leiðbeinanda, en þeir voru veðurtepptir í Mosfellbæ. Mjög hvasst var og hviður allt að 40 m/sek á Esjubergi. Econoline og tveir menn.
~:~

Endurlífgun á barni
1. maí 2009 - 08:15
25. apríl. Kl 8:29, F1 SHS, útkall vegna endurlífgunar á barni í Grundarhverfi.  4 menn og einn frá slökkviliði Kjalarness.
~:~

Slasaður í Esju
18. apríl 2009 - 16:35
17. apríl. Kl 17:55 F2 gulur, útkall vegna slasaðs ferðalangs í Esju. Afturkallað 10 mín. seinna vegna þess að maðurinn gat bjargað sér niður sjálfur.  2 menn og fjórhjól voru tilbúnir að fara úr húsi.
~:~

Fastur bíll við Laxá
18. apríl 2009 16:20
12. apríl. Kl 18:00 F3 grænn. Fjarskipatamiðstöð lögreglu hefur samband vegna bíls sem er fastur í drullu við Laxá í Kjós. Beiðni afturkölluð skömmu síðar, en þrír menn voru tilbúnir að fara úr húsi.
~:~

Árekstur við Esjumela
29. mars 2009 - 21:45
29. mars. Kl 19:57 F2, útkall vegna 5 bíla áreksturs við Esjumela í hvassviðri. Engin alvarleg slys á fólki. Þrír félagar fóru á bíl í eftirgrennslan, kanna aðstæður og gefa skýrslu um færð frá Grundarhverfi að vettvangi.
~:~

Bíll fastur á Mosfellsheiði
29. mars 2009 - 21:45
29. mars. Kl 01:12 F2 gulur, beiðni um aðstoð gegnum bakvakt um að senda bíl til að draga bíl úr festu á Mosfellsheiði. Bíll mannaður einum frá Kili og öðrum frá Kyndli leystu verkefnið.
~:~

Aðstoð á svæði 4
29. mars 2009 - 21:45
28. mars. Kl 15:38 F2 gulur, útkall á fjórhjól á svæði 1 til aðstoðar á svæði 4. Einn úr gönguhópi á Skessuhorni í Skarðheiði slasaðist. Koma þurfti hinum slasaða í aðhlynningu og aðstoða hina í hópnum niður af fjallinu. Tveir félagar fóru á jeppa og fjórhjóli.
~:~

Maður fótbrotnar í Esjunni
8. mars 2009 - 16:45
7. mars. Kl 18:43: F2 gulur, útkall vegna manns sem hafði dottið og fótbrotnað efst í Þverfellshorni í Esjunni. Björgunarsveitarmaður frá Kyndli var í göngu rétt hjá og var fyrstur á staðinn og gat hlúð að hinum slasaða. Þyrla kom og hífði manninn um borð og fór með hann á sjúkrahús. Tveir menn Kjalar fóru fyrst á fjórhjóli og síðan gangandi upp fjall. Aðstoðuðu við að taka á móti þyrlu og fylgdu ásamt öðrum tveim félögum hins slasaða niður.
~:~

Leit að konu við Reynisvatn
8. mars 2009 - 16:42
5. mars. Kl 15:00 F3 grænn, var leitað við Reynisvatn að sömu konunni sem saknað hefur verið síðan 24. febrúar. Tveir menn og fjórhjól fóru á vettvang.
~:~

Leit að konu í Fossvogi
1. mars 2009 - 16:30
28. feb. Kl 14:20 F3 grænn, var beðið um aðstoð kajakamanna Kjalar við leit á grynningasvæði í Fossvogi. Leitað var að konu sem saknað hefur verið síðan á þriðjudag. 2 kajakar, tveir menn og bíll fóru á vettvang.
~:~

Fjórhjól sunnan Skálafells
17. febrúar 2009 - 20:49
14. feb. Kl 21:20 F2 gulur úkall til að aðstoða 3 fjórhjólamenn í hremmingum á hjólum sínum í slæmu færi og myrkri sunnan Skálafells. 4 menn fóru af stað, jeppi og fjórhjól.
Allt fór það vel.
~:~

Fjórhjól fast í snjó
12. febrúar 2009 - 20:45
8. feb. Kl 15:30 F3 grænn. Slegist í för með Kyndli til að losa fjórhjól á Mosfellsheiði. Afturkallað skömmu síðar þegar viðkomandi hafði borist önnur aðstoð. Einn maður og fjórhjól við það að leggja af stað úr húsi.
~:~

Umferðarslys við Grundarhverfi
11. janúar 2009 - 19:00
9. jan. F2 SHS kl 7:38 var útkall vegna umferðarslyss á Vesturlandsvegi móts við Grundarhverfi á hættulegum gatnamótum við Klébergsskóla. Fjórir bílar í árekstrinum og mikil umferð, slökkvilið Kjalarness og Kjölur björgunarsveit unnu saman, sjö manns í allt sinntu fyrstu hjálp og tryggðu öryggi þar til frekari aðstoð barst. Fimm voru fluttir á slysadeild.
~:~

2009


- - - -
Árið 2008;
49 útköll alls,
þar af 10 vegna SHS
átta útköll urðu á níu dögum 7. - 15. febrúar.

Leit á Skarðsheiði
26. desember 2008 - 22:25
20.des. F2 gulur kl 20:22 var útkall fyrir sérhæfða leitarhópa í leit að göngumanni, sem hreppti vont veður á Skarðsheiði. Þrír Kjalarmenn klárir í leit í húsi, en til þess kom ekki. Leit afturkölluð kl 21:42. Maðurinn fannst heill á húfi en nokkuð kaldur.
Stuttu síðar var óskað eftir aðstoð við ökumann bíls, sem hafði lent utanvegar í hálku á Vesturlandsvegi. Aðrir vegfarendur dógu bílinn upp rétt áður en komið var á staðinn.
~:~

Leit að Alzheimersjúklingi
7. desember 2008 - 9:40
6.des. F2 gulur kl 19:43 var útkall í leit að Alzheimersjúklingi í Reykjavík. Fimm manns voru klárir frá Kili þegar afturköllun kom. Maðurinn fannst heill á húfi.
~:~

Framhaldsleit að rjúpnaskyttu á Skáldabúðaheiði
7. desember 2008 - 9:40
5.des. F3 grænn kl 7:30 var fram haldið leit að rjúpnaskyttu, þrír göngumenn frá Kili. Sveitir komu frá öllu landinu. Leitin bar ekki árangur og var maðurinn formlega talinn af og leit hætt.
~:~

Leitað að rjúpnaskyttu á Skáldabúðaheiði
7. desember 2008 - 9:40
29. nóvember - 2.des. F2 gulur kl 19:? var hafin leit að rjúpnaskyttu, sem hafði ekki komið fram til félaga sinna á tilsettum tíma. Svæðið er erfitt til leitar og nefnist Skáldabúðaheiði í Gnúpverjahreppi. Leitað hefur verið í fjóra daga og um 100 manns tekið þátt í henni. Á laugardag voru 5 félagar frá Kili í leit með bíl og fjórhjól. Fyrstu nóttina var hvílt í veiðikofa inn á svæðinu í nokkra tíma og haldið síðan áfram í fyrstu dagsskímu. Sunnudag voru 6 manns fjórhjól og jeppi. Mánudag voru tveir á jeppa og þriðjudag var haldið áfram leit með minni mannskap. Þá var einn frá Kili sem leitaði með HSSR. Norðan gjóla var með um -10° stiga frosti. 
~:~

Bíll fastur í Laxá í Kjós
16. nóvember 2008 - 21:35
15. nóvember. F2 gulur kl 19:40 Tryggingaélag í samráði við lögreglu hringir vegna bíls sem var fastur í Laxá í Kjós. Grafist hafði undan bílnum þar sem hann var fastur í ánni neðan við Eyrar og vatn flæddi inn í hann. Bílinn var spilaður upp úr ánni og mennirnir, nokkuð kaldir eftir volkið, voru fluttir heim í bústað. 3 menn á Patrol jeppa í útkallið.
~:~

Leit að unglingum við Grundargerði
28. október 2008 - 19:50
27. október. kl 22:35 svæðisstjórn biður um menn til að leita að unglingum, sem hugsanlega höfðu slasast í gassprengingu, en flúið af vettvangi. Leit hafði staðið í 1.5 klst þegar fleiri voru kallaðir á staðinn og var leitað í 1 km radíus út frá vettvangi. Fimm Kjalarfélagar fóru í leitina.
~:~

Bílvelta við Sjávarhóla
28. október 2008 - 19:47
27. október. kl 8:38  F2 neyðarlínan boðar vegna bílveltu, ökumaður fastur í bíl. Hlaupari fór á slysstað, en þá höfðu vegfarendur hjálpað ökumanninum út, sem talinn var óslasaður. Neyðarlínu tilkynnt um það og lögregla kom á staðinn skömmu síðar.
~:~

Bílslys við Esjuberg
4. nóvember 2008 - 21:45
25. október. kl 16:33 Neyðarlína boðar F1 vegna bílslyss við Esjuberg, þrír bílar og hjólhýsi. Hjólhýsi aftan í jeppa á norðurleið fauk þversum í veg fyrir tvo aðvífandi bíla á suðurleið. Einn maður mætti og aðstoðaði lögreglu á vettvangi.
~:~

Beiðni um aðstoð
26. október 2008 - 14:30
23. október. kl 15:50 óskað eftir aðstoð við að losa bíl úr festu í skafli í Skálafelli. Lögreglu var gert viðvart og einn maður fór á staðinn.
~:~

Aðstoð vegna óveðurs
26. október 2008 - 14:30
23. október. kl 1:00 - 3:00 viðbragðsstaða vegna óveðurs á höfuðborgarsvæðinu. Farið í Svínahraun til aðstoðar vegna fastra bíla. Fjögur á Patrol Kjölur 2 fóru stóðu vaktina.
~:~

Aðstoð vegna bíls í festu
19. október 2008 - 21:50
19. október. kl 18:30 útkall, svæðisstjórn biður um aðstoð vegna bíls í festu í fjörunni á Hvaleyri. 3 menn fóru og losuðu bílinn áður en flæddi að, en sjór var kominn að dekkjum.
~:~

Leit að manni
10. október 2008 - 18:00
5. október. F2 - gulur kl 20:06 útkall, leit að manni við Kleppsveg. Afturkallað kl 20:45, maðurinn fannst heill á húfi. 4 menn ýmist lagðir af stað eða í startholunum.
 ~:~
 
Aðstoð vegna foks í Kjós
20. september 2008 - 20:05
20. september. Um Kl 11 var hringt og beðið um aðstoð vegna foktjóns í Kjós. 2 menn og einn snáði fóru og skrúfuðu spjald fyrir svalahurð sem hafði fokið upp í snarpri vindhviðu og tvístrast í þusund mola.
 ~:~

Óveður
19. september 2008 - 15:45
17. september. Kl 00:24 F3 grænn útkall vegna óveðurs. 4 menn frá Kili fóru í Mosfellsbæ og Grafarvog til kl 03:00 vegna aðstoðarbeiðna í roki og rigningu, en alls voru um 100 manns að störfum vegna veðursins.
 ~:~

Brjóstverkur í heimahúsi
22. september 2008 - 22:00
14. september. F1 Kl 19:02 útkall vegna manns með brjóstverk í heimahúsi. Hlaupari stökk beint á staðinn og bíll með fyrstu hjálpar búnaði kom skömmu seinna. Súrefni gefið uns sérhæfð aðstoð barst. 2 björgunarsveitarmenn og tveir úr slökkviliðseiningu.
 ~:~

Brjóstverkur í Grundarhverfi
30. ágúst 2008 - 15:45
29. ágúst. Kl 14:11 hringt beint frá neyðarlínu vegna manns með brjóstverk í Grundarhverfi. Slökkvilið Kjalarness boðað út skömmu síðar. Súrefni gefið þar til sjúkrabíll kom. 1 maður fór í útkall.
 ~:~

Leit að Alzheimersjúklingi
1. september 2008 - 21:32
27. ágúst. F2 gulur kl 19:35 útkall vegna leitar að Alzheimersjúklingi í Grafarvogi. Hann fannst heill á húfi rúmlega hálftíma síðar. 2 göngumenn fóru frá Kili og einn á fjórhjóli.
 ~:~

Maður villtur í þoku á Esju
23. ágúst 2008 - 09:25
19. ágúst. Kl 20:02 útkall F2 gulur á undafara og Kjöl, maður í fjallgöngu á Esju villtist í þoku og hringir í neyðarlínu eftir aðstoð. Hálftíma síðar var kallað í viðbótarmannskap til leitar. Sjö manns fóru frá bjsv Kjölur. Econolininn bilaði á leið upp og aðrar sveitir voru mjög hjálplegar við að koma honum til baka. Leitað var upp við Hábungu og Hátind og þar fannst maðurinn með aðstoð þyrlu Landhelgisgæslunnar um kl 23:30. Síðust menn komu af fjallinu í hús um kl 03.
 ~:~

Hálendisvakt, augnslys í Kerlingarfjöllum
16. ágúst 2008 - 18:00
6. ágúst. Um Kl 15:00 hefur neyðarlínan samband og biður sveitina um að fara í Kerlingafjöll því maður hafi slasast á auga. Bíllinn ásamt fjórum mönnum var þá staddur við Stóru-Laxá sunnan Kerlingafjalla í lélegu fjarskiptasambandi og maður á gámavakt á Hveravöllum bíllaus. Bílnum var snúið við og læknir ræsir út þyrlu og jafnframt er sendur sjúkrabíl frá Selfossi, því óvíst var hvort þyrla gæti lent. Manninum á Hveravöllum tekst að útvega sér fjórhjól þar og snarast í Kerlingafjöll og hugaði að hinum slasaða uns þyrlan kom og gat lent. Flutti hún manninn til Reykjavíkur. 
 ~:~

Hálendisvakt, bíll bilaður á Stórasandi
16. ágúst 2008 - 17:54
5. ágúst. Um Kl 00:30 bakvakt Landsstjórnar hefur samband við sveitina á hálendisvakt vegna bíls sem hefur bilað á Stórasandi norðan Langjökuls. Hafði pústið farið undan og bremsur voru ónýtar. Í bílnum var maður með tvö börn. Fólk ásamt farangri var ferjað niður á Blönduós og því útvegað gisting. Þrír fóru í þetta og voru komnir heim á Hveravelli um 7:30 um morguninn.
 ~:~

Hreyfilbilun í þotu á Keflavíkurflugvelli
29. júlí 2008 - 09:42
27. júlí. F2, hættustig stórt, Kl 17:31 þota með hreyfilbilun í flugtaki neyðist til að lenda aftur á Keflavíkurflugvelli og lenti heilu og höldnu. Fimm menn frá Kili tilbúnir til brottfarar þegar afturköllun kom kl 17:37. .
 ~:~

Maður týndur í Esjunni
26. júlí 2008 - 21:23
24. júlí. F2 gulur, Kl 12:21 Kjölur og Kyndill kallaðir út til aðstoðar lögreglu við að finna mann í Esjunni, sem sést hafði þar klæðlaus á gangi ofarlega í fjallinu. Hálftíma síðar voru allar sveitir á svæði 1 ræstar út.  4 menn frá Kili fóru til leitar á Econoline og fjórhjóli og leituðu þeir Þverfellshornið við slæm leitarskilyrði, rok og rigning og þoka. Maðurinn fannst látinn í Gunnlaugsskarði daginn eftir, hann fannst við leit úr þyrlu. Alls tóku 120 leitarmenn þátt í leitinni þegar mest var.
 ~:~

Kaffi Kjós
12. júlí 2008 - 17:10
10. júlí. F2, SHS, Kl 15:45 boðun vegna konu sem hafði slasast í Kaffi Kjós. Þar sem ljóst var að sjúkrabílar kynnu að tefjast vegna Keflavíkur útkalls var björgunarsveitarbíll Kjalar ásamt tveim mönnum boðuð á staðinn. Hlúð var að konunni þar til sjúkrabíll kom á staðinn.
 ~:~

Keflavíkurflugvöllur
12. júlí 2008 - 17:10
10. júlí. Hættustig stórt Kl 15:24, Boing 757 með bilaðan hreyfil, 180 manns innanborðs. 5 tilbúnir fóru úr húsi. Vélin lenti heilu og höldnu skömmu síðar og beiðnin afturkölluð kl 15:37.
 ~:~

Ökklabrot í Esjunni
8. júlí 2008 - 22:30
7. júlí. F2 gulur Kl 21:16 útkall í fjallabjörgun vegna ökklabrotins fjallgöngumanns í Þverfellshorni. Úr varða að þyrlan sótti manninn. Þrír Kjalarfélagarar á jeppa og einn á fjórhjóli mættu á svæðið, kl 22:05 var beiðnin afturkölluð.
 ~:~

Leit að Alzheimersjúklingi
8. júlí 2008 - 22:30
7. júlí. F2 gulur Kl 14:25 útkall í leit að Alzheimersjúklingi frá Kópavogi og voru allar sveitir á svæði 1 boðaðar. 4 menn frá Kili fóru í leit í Seljahverfi, en maðurinn fannst síðan rétt fyrir kl 16 á Hlemmi.
 ~:~

Leit að 11 ára stúlku
19. júní 2008 - 21:30
14. júní. F2 gulur Kl 12:55 útkall í leit að 11 ára stúlku. 3 menn voru nýlagðir af stað úr húsi þegar stúlkan fannst heil á húfi og leit var afturkölluð kl 13:05.
 ~:~

Jarðskjálfti á Ölfusi
31. maí 2008 - 22:45
29. maí. Kl 16:08 boð um viðbragðsstöðu og síðan breytt í beiðni um að fara austur í Hveragerði til hjálparstarfa í kjölfar jarðskjálfta. Stærsti skjálftinn var 6.3 stig á Richter með upptök nærri Hveragerði. Lýst var yfir hæsta stigi almannavarna og stjórnstöð almannavarna virkjuð. Aðstoðað var við að koma upp fjöldahjálparstöð við grunnskólann í Hveragerði og við skráningu fyrir vettvangsstjórn. Þegar neyðarástandi var létt í Hveragerði var farið til Selfoss og í verkefni að kanna mannaferðir í bústöðum við Þingvallavatn.  Átta manns alls fóru í útkallið sem stóð fram á nótt..
 ~:~

Leit að stúlku
6. maí 2008 - 22:05
5. maí. Kl 13:40, F2 gulur, útkall vegna leitar að sex ára stúlku, sem hvarf úr útivistarstund í grunnskóla í Garðabæ. Einni klukkustund seinna var leit afturkölluð þar sem kennarar höfðu fundið stúlkuna eftir tveggja og hálfs tíma útiveru, heila á húfi, á göngu nærri miðbæ Garðabæjar, að hennar sögn " hún mætti nú alveg skoða heiminn !!" Þrír Kjalarfélagar mættu í leit.
 ~:~

Bílvelta
4. maí 2008 - 20:55
4. maí. Kl 16:40, F3 útkall vegna bílveltu á Vesturlandsvegi rétt við Grundarhverfi. Kerra tekst á loft í hvassviðri og dregur bílinn með sér á hliðina. Bílinn affelgaðist á einu hjóli, gera þurfti bílinn ökuhæfan svo hægt væri að koma honum og kerrunni í skjól. Í bílnum var kona og fjögur börn. Ekki urðu slys á fólki. 5 mættu í útkallið.
 ~:~

Fólk í sjálfheldu í Esjunni
4. maí 2008 - 9:45
3. maí. Kl 20:15, F2 gulur, útkall vegna konu og tveggja sona hennar sem komust í sjálfheldu í skriðu á gönguferð sinni í Lág Esjunni ofan Grundarhverfis. Jeppi með göngumenn fóru að staðnum að neðan og fjórhjól með tveimur mönnum að ofanverðu. Sett var upp lína og fólkið aðstoðað niður. Nokkurt hvassviðri gerði mönnum erfitt við að athafna sig. Sex manns komu í aðgerðina.
 ~:~

Meðvitundarlaus maður í heimahúsi
3. maí 2008 - 16:55
3. maí. Kl 12:09, F1 rauður, útkall í heimahús í nágrenni Grundarhverfis vegna meðvitundarleysis manns. 2 hlauparar fóru á staðinn og huguðu að manninum uns sjúkrabíll kom á staðinn, sem flutti hann á sjúkrahús.
 ~:~

Hestakerra fýkur á Vesturlandsvegi
1. maí 2008 - 17:37
30. apríl. Kl 20:20, lögreglan í Mosfellsbæ hefur samband og biður um aðstoð þar sem hestakerra hafði fokið á Vesturlandsvegi við Grundarhverfi. Kerra og jeppi voru þversum yfir veginn og teppti umferð. Hleypa þurfti umferð framhjá í hollum. Kerran var spiluð til á veginum og síðan dregin í fylgd lögreglu í skjól. Þar sem þetta gerðist í upphafi aðalfundar sveitarinnar var góð mæting eða sex alls í útkalli. 
 ~:~

Umferðarslys á Vesturlandsvegi
10. apríl 2008 - 21:33
9. apríl. Kl 7:10, menn á leið til vinnu sjá hvar umferðarslys hefur orðið á þjóðveginum rétt ofan Grundarhverfis.  Rúta og flutningabíll lenda saman í fljúgandi hálku og hvassviðri og lélegu skyggni. Báðir bílar lenda útaf og flutningabíll lokar veginum. Lítil slys á fólki. Bíll og þrír félagar mættu á svæðið. Björgunarsveitarbíll náði að spila tengivagn flutningabíls til hliðar svo umferð gæti komist í aðra áttina í einu. Lögregla tók annars við vettvangsstjórn.
 ~:~

Menn í sjálfheldu í Esju
5. apríl 2008 - 18:30
4. apríl. Kl 14:00, F2 gulur útkall vegna tveggja manna sem voru í sjálfheldu í Esju, efst í Þverhorni. Tveir fóru á bíl úr húsi á bíl og einn á fjórhjóli. Ekinn var vegslóð austan við og norður fyrir Rauðhól, fjórhjól og einn jeppi fóru alla leið að mönnunum og sóttu þá. Aðrar sveitir komu einnig í aðgerðir akandi og gangandi. Sjá frétt á mbl.is
 ~:~

Leit að fullorðnum manni á Akranesi
16. mars 2008 - 17:30
16. mars. Kl 9:45, hafði svæðisstjórn samband og bað um aðstoð við leit að eldri manni á bíl, sem saknað var síðan í gær. Beðið um leit að bíl mannsins á vegum og slóðum frá Botnsá í Hvalfirði og vestur í Kjós. Maðurinn kom síðan leitirnar um kl 12:20.
3 menn og bíll fóru úr húsi.
 ~:~

Bíll  í skurði
9. mars 2008 - 20:30
7. mars. Kl 21, tveir björgunarsveitarmenn á ferð um Vesturlandsveg urðu vitni að því þegar ökumaður missti stjórn á bíl sínum í mikilli hálku og hafnaði út í skurði. Hugað var að ökumanni, sem var einn í bílnum. Reyndist hann ómeiddur og haft var samband við lögreglu og beðið eftir henni og bílinn síðan dreginn upp.
 ~:~

Fjórhjólafesta
18. feb 2008 - 22:22
15. febrúar. Kl 17:40, beðið um aðstoð við að losa fjórhjól úr festu við Hvalfjarðareyri. Haft var samband við svæðisstjórn og farið á fjórhjóli og hjólið losað. Einn maður og fjórhjól í klukkustundar aðgerð.
 ~:~

Veikt barn í Grundarhverfi
14. feb 2008 - 20:57
13. febrúar. Kl 21:00, hringt beint í sveitina vegna skyndilega veiks barns, sjúkrabíll og læknir á leiðinni, félagar á vinnukvöldi beðnir um að fara á staðinn, höfð samskipti við sjúkrabíl og barni gefið súrefni.
3 félagar sinntu beiðninni.
 ~:~

Endurlífgun
13. feb 2008 - 21:10
13. febrúar. Kl 7:24, Útkall frá neyðarlínu um endurlífgun á meðferðarheimili. 4 félagar mættu í útkall.
 ~:~

Beiðni um aðstoð
10. feb 2008 - 12:20
9. febrúar. Kl 19:00, barst beiðni um aðstoð, við að draga bíl úr skafli við Hafravatn. Haft var samband við svæðisstjórn og lögreglu áður en farið var á staðinn. Bíll og tveir menn.
 ~:~

Eftirhreytur óveðurs
9. feb 2008 - 18:25
9. febrúar. Kl 14, óskað eftir aðstoð við bóndann í Stardal, við að loka gati á gafli hlöðu, sem hafði skemmst í ofsaveðrinu í gær.
2 menn fóru á fjórhjólinu nýja, fyrsta verkefni þess, og tókst að loka hlöðunni.
 ~:~

Óveður gengur yfir landið
9. feb 2008 - 18:17
8. febrúar. Kl 17, Samhæfingarstöð er virkjuð upp úr hádegi, og Svæðisstjórn biður Kjöl um að fara á stúfana um kl 17 vegna tveggja verkefna í Grafarholti
Skrauthólar vindhæð, af Veðurstofuvefnum.

 og Mosfellssbæ. Verður var arfavitlaust, fáránlega hvasst og slagveður, asahláka. Mikið um fok og vatnsflóð, með tilheyrandi dæluverkefnum fyir flestar sveitir. Verkum var hætt um kl 20, 5 menn. Bílinn fór skömmu seinna aftur úr húsi með 4 slökkviðliðsmenn og dælur, í verkefni í bílakjallara í Mosfellsbæ og Egilshöll. Unnið var langt fram á nótt við að dæla og skafa upp vatn.  Mikið tjón varð í þessu veðri.
 ~:~

Ófærðaraðstoð
9. feb 2008 - 18:15
7. febrúar. Kl 23:55, Svæðisstjórn hefur samband og biður um bíl og menn til að aðstoða ökumann, sem festi bílinn í snjó við Helgafellsafleggjara. Fólkið var ferjað hjeim og bílinn spilaður laus úr skaflinum. Annar bíll var losaður við Hafravatnsleið. Aðgerðum hætt um kl 1:30.  3 menn í aðgerðum.
 ~:~

Maður slasast í Kjós
9. feb 2008 - 18:05
7. febrúar. Kl 8:50, Neyðarlínan hefur samband þegar maður sem slasaðist á hendi í Kjós, bað um aðstoð að komast á slysavarðstofu, komst ekki vegna ófærðar. Enginn bílstjóri fyrir björgunarsveitarbíl var á svæðinu. Brugðið var á það ráð að fá snjóruðningstæki til ryðja leið til móts við hann, þar sem í millitíðinni fékk far með öflugum bíl.  2 menn til taks, en einn fór með snjóplógnum.
 ~:~

Óveður
22. jan 2008 - 18:00
22. janúar. Kl 5:00 viðbragðsstaða, var farið úr húsi til að kanna sjávarstöðu neðan Grundarhverfis. Gert var ráð fyrir 950 mb lægð vestur af landinu, stórstreymi um kl 6 með 4.20 í flóðhæð og SA stormi. Allt reyndist í lagi þar vegna austlægrar vindáttar. Vöruflutningabíll var í erfiðleikum, nærri farinn á hliðina, á heimreið að Vallá, vegna staðbundinnar hálku og hvassviðrisins, hviður allt að 57 m/sek á Skrauthólum.
Veðurstöð Skrauthólar, vindhraðamynd að ofan fengin af vef Veðurstofunnar.
Fauk björgunarsveitarbíllinn þrisvar útaf vegi. Loks var hann tjóðraður við flutningabílinn með spilinu og skotbómukrani á hitt horn hans, sem akkeri. Vegagerðin kom og saltaði á staðnum. Á sama tíma varð bílslys á þjóðvegi nærri Esjuskála, þar sem lítil rúta fauk ofan á fólksbíl. Þangað fuku og gengu tveir björgunarsveitarmenn og einn neðan úr hverfi til aðstoðar. Engin slys urðu á fólki. Krókheysisbíll frá SHS kom og dróg bílana af Vesturlandsvegi og aðstoðaði við að ná flutningabílnum inn á veginn við Vallá. Tjón varð á fjórum bílum, þar á meðal björgunarsveitarbílnum, skrámur og smátognanir hjá björgunarsveitarmönnum. Störfum var hætt um kl 10. Fjórir félagar voru að störfum.
 ~:~

Bíll dreginn upp við Grundarhverfi
22. jan 2008 - 17:50
20. janúar. Beiðni um aðstoð við að draga upp bíl sem hafði runnið til í hálku og hafnað með trýnið ofan í skurð. Leyfi fengið hjá lögreglu, sem hafði fengið vitneskju um óhappið.
 ~:~

Esjumelar
22. jan 2008 - 17:45
19. janúar. Kl 13:30 Á leið á æfingu sást til bifreiðar sem rann til í hálku og útaf vegi við Esjumela og komst ekki upp af sjálfsdáðum. Atvikið tilkynnt til lögreglu og fengið leyfi til að draga hann upp.
 ~:~

Leit að 19 ára dreng í byggð
4. jan 2008 - 21:09
2. janúar. Kl 7:30 Útkall F2 leit að ungum manni í byggð.  Leit hófst kvöldið áður og leitað alla nóttina og verið að leysa af með óþreyttu liði. Leitað allan daginn fram á kvöld. Leit afturkölluð kl 22:20 þegar staðfest var að drengurinn var fundinn látinn við Snarfarahöfn. Alls fóru 9 manns úr sveitnni og leitðu aðallega við Elliðaárdalinn.
 ~:~

2008
 

 ~:~

Árið 2007;
26 útköll alls,
þar af 8 vegna SHS.
10 útköll voru í desember

 ~:~

Óveður og aurskriða við Dalsmynni
25. des 2007 - 20:14
30. desember. Kl 9:31 Útkall F2 vegna aurskriðu og vatnsflóðs í kjallara í Dalsmynni hundahóteli. Farið í björgunaraðgerðir og dælingu. Í framhaldi af því var farið í verkefni í bænum, flóð og fok vegna óveðurs með úrhellisrigningu og asahláku. Störfum hætt kl 15:40. Alls fóru 8 manns í útköllin.
 ~:~

3 bíla árekstur á Kjalarnesi
25. des 2007 - 20:14
25. desember. Kl 15:12 Útkall F1 rauður vegna áreksturs við vigtarplan rétt norðan við Grundarhverfi vegna hálku. Lögreglan var á staðnum. Viðbragðstími var nánast enginn þar sem allir voru enn í bækistöð eftir fyrra útkall. Hlúð að fólki þar til sérhæfð aðstoð barst. Slasaðir voru fluttir með sjúkrabílum í bæinn. Alls fóru 9 manns í útkallið.
 ~:~

Árekstur á Kjalarnesi
25. des 2007 - 20:04
25. desember. Kl 14:05 Útkall F1 rauður vegna áreksturs á þjóðvegi við Hvalfjarðargöng vegna hálku. Stjórnandi fór beint á slysstað, aðrir komu á björgunarsveitarbíl. Hlúð að slösuðum einstaklingi ásamt barni þangað til sérhæfð aðstoð barst (SHS). Alls fóru 9 manns í útkallið.
 ~:~

Hross í umferðarslysi
23. des 2007 - 12:37
21. desember. Kl 21:38 aðstoð við lögreglu vegna umferðarslyss þar sem ekið var á hross á þjóðveginum við Esjuberg. Tveir menn og bíll, umferðarstjórn, hross dregið út í vegkant og leit að öðrum hestum í átt að Saltvík. Aðgerðum lokið kl 22:30.
 ~:~

Barn með krampa
18. des 2007 - 22:17
18. desember. F1 útkall kl 15:49, beðið um aðstoð vegna barns með krampa í heimahúsi í nágrenni Grundarhverfis. Gefið súrefni uns frekari aðstoð barst. 3 menn á tveim bílum fóru í útkallið.
 ~:~

Meira óveður
14. des 2007 - 20:17
14. desember. Heildaróveðursútkall á svæði 1, 6 komin í hús kl 08:00 og 2 bættust við skömmu síðar. Verkefni tveggja hópa í Mosfellsbæ og Grundarhverfi. Meðal annars var hugað að loftlúgu hjá Ístex og þakkanti hjá Kaupþing í Mosfellsbæ. Eftir hádegi voru verkefni aðallega í Reykjavík. Veður gekk niður síðdegis og sveitin hætti störfum kl 17:00. 
 ~:~

Óveður
13. des 2007 - 22:07
13. desember. Heildarútkall á svæði 1 kl 01:49, viðbragðsstaða vegna óveðurs. Fljótlega fór að hvessa af ASA og síðar af suðri, svo um munaði og mestu vindhviður fóru í 50 m/sek á Skrauthólum. Fimm manns mættu í Þórnýjarbúð. Farið var um Grundarhverfi og nágrenni og aðstæður kannaðar. Ruslatunnur og gámar voru á hreyfingu, girðingar og fótboltamörk lutu ógnandi í gras. Á Arnarholti losnuðu þakplötur og timburborð af einni húsálmu og dreifðust um stórt svæði. Rúmlega klukkustundarverk var að ganga tryggilega frá lausum plötum. Störfum hætt um kl 05:00.
 ~:~

Þakplötur á þeytingi
12. des 2007 - 22:57
12. desember. Hringt í félaga á kvöldfundi frá Jörfa og beðið um aðstoð vegna lausra þakplatna, sem voru líklegar til hreyfings í hvassviðri. Viðkomandi beðinn um að tilkynna til lögreglu og við höfðum samband við svæðisstjórn og þakplöturnar komust í skjól.
Fjórir félagar fóru úr húsi.
 ~:~

Óveður innan bæjar
11. des 2007 - 21:30
10. desember. Útkall F2 gulur, svæðisstjórn svæði 1, kl 22:14 gegnum neyðarlínu sveitin fer úr húsi skömmu síðar. Fok lausamuna heft í hverfi , tunnur, girðingar, ruslagámar, stillasar og einn þakkantur festur. Hviður á Skrauthólum fóru í 45 m/sek í austan átt ásamt slagveðursrigningu. Tvö verkefni í Mosfellsbæ og Grafarholti. Veður lægði um kl 2 um nóttina. 8 manns úr sveitinni voru úti þegar flest var.
 ~:~

Endurlífgun
5. des 2007 - 21:17
5. desember. Útkall F1 frá neyðarlínu kl 18:55. óskað eftir aðstoð við endurlífgun á bæ rétt utan við Grundarhverfi. Tveir menn í húsi komu strax með bíl og búnað, aðrir komu á einkabílum, alls fimm skráðir frá björgunarsveit auk nokkurra úr slökkviliði Kjalarness. Endurlífgun reynd í hálftíma á staðnum.
 ~:~

Aðstoð vegna hvassviðris
26. nóv 2007 - 22:03
26. nóvember. Útkall F2 gulur, Neyðarlínan óskar eftir aðstoð við vegfarendir á Vesturlandsvegi. Kerra fauk við Hvalfjarðargangamunna. Aðstoðað við að festa niður palllok. Farið inn fyrir Tíðaskarð til eftirlits og niður í Kollafjörð. Endurtekið um kl 22. Um 1 klst í hvort sinn. Bíll og þrír menn.
 ~:~

Bíll úr festu
25. okt 2007 - 20:03
24. október. Óskað var eftir aðstoð við að draga bíl úr festu á Kjalarnesi. Bíll og þrír menn fóru úr húsi og drógu jeppa úr festu á blautu túni bak við Arnarholt.
 ~:~

Leit á sjó við Kjalarnes
17. okt 2007 - 20:15
16. október. Útkall F1 rauður. Óskað var eftir aðstoð við að finna einn félaga björgunarsveitarinnar Kjölur er varð viðskila við tvo félaga sína á bátaæfingu á Hofsvíkinni við Kjalarnes. Maðurinn fannst fljótlega heill á húfi á kletti nærri landi við Presthús. Þyrla Landhelgisgæslunnar fann manninn fljótlega. Bíll og þrír menn voru í fyrstu aðgerðum, fóru út í Nesvík og reyndu að lýsa upp ströndina. 5 félagar til viðbótar úr Kili voru að gera sig klára að leita hans með ströndinni er afturköllun barst.
 ~:~

Endurlífgun á Kjalarnesi
27. sept 2007 - 21:45
26. september. Óskað var eftir liðsinni við endurlífgun á konu í heimahúsi í Grundarhverfi. Fyrst komu boð frá nágranna og líka frá 70 manninum hjá SHS. Nokkrir félagar voru á vinnufundi í Þórnýjarbúð og hægt að bregðast skjótt við. Fimm félagar unnu við endurlífgun uns sérhæft lið kom úr bænum. Tveir Kjalarfélagar fóru síðan í bæinn með neyðar- og sjúkrabílum.
~:~

Leit í Soginu
21. sept 2007 - 22:00
20. september. Óskað eftir viðbótarmannskap í leit að manni er féll í Sogið 19. september við veiðar. 3 menn fóru í framhaldsleit og voru rúmlega hundrað manns við leit frá þremur svæðum. Gengið var með árbakkanum við Álftavatn og róið á kajak. Einnig var leitað frá Þrastalundi að Laugabökkum. Kafarar fundu manninn látinn ofan við Álftavatn daginn eftir.
~:~

Leit á Svínafellsjökli
2. sept 2007 - 17:35
25. og 26. ágúst. Óskað var eftir fjallamönnum í stóra erfiða leit að tveimur þýskum ferðamönnum sem saknað var og leitað hafði verið að frá því 21. ágúst. Tjöld mannana fundust við Svínafellsjökul hjá Skaftafelli og var leitað á jökli og fjallendi þar í kring án árangurs. Leitinni var hætt á sunnudeginum 26. ágúst. Þrír félagar úr Kili fóru til stóru leitarinnar laugardag og sunnudag.
~:~

Böruburður í Esjuhlíðum
6. ágúst 2007 - 21:35
Mánudagur 6. ágúst kl 14:49, útkall F2 gulur. Óskað var eftir mönnum í böruburð niður úr Esjuhlíðum. Göngumaður slasaðist á fæti við fall af hálum steini og þurfti aðstoð. Þrír fóru úr húsi og voru fyrstir fótgangandi á staðinn ásamt SHS mönnum sem komu á hjóli og bíl. Hinn slasaði var settur á börur og ekið í bílnum niður á plan þar sem sjúkrabíll tók við.
~:~

Gróðureldur á Miðdalsheiði
27. júní 2007 - 21:35
Laugardagur 23. júní kl 16:25, útkall F2 gulur. Hópur úr björgunarsveitinni Kili var að ljúka við námskeið á vegum SHS á Tunguhálsi, þegar boð bárust frá svæðisstjórn. Óskað var eftir mannskap til þess að slökkva í eldi í gróðri, aðallega mosa á Miðdalsheiði.  Slökkvistarf gekk erfiðlega framan af vegna vatnsskorts og langra slöngulagna. Einnig var hvass vindur af norðri. Sex menn úr sveitinni mættu á staðinn og luku störfum að mestu um kl 22. Um 10 ha svæði brann.
~:~

Aðstoð í Esju
27. júní 2007 - 21:35
Föstudagur 22. júní kl 03:25, útkall F3 grænn, neyðarlínan biður um aðstoð vegna manns sem er villtur í þoku í Esjuhlíðum. Kallað út að Esjubergi þaðan sem farið var til leitar um Gljúfurárdal og nágrenni. Maðurinn fannst fljótt eftir að komið var inn í dal og hafði þá sjálfur komið sér niður úr þokunni. Kjölur og Ársæll aðstoðuðu við að styðja manninn niður, sem var meiddur á ökkla.  Fjórir menn frá Kili fóru til leitarinnar.
~:~

Umferðaróhapp
12. júní 2007 - 21:20
Laugardagur 11. júní kl 21:01, útkall F2, neyðarlínan biður um aðstoð vegna umferðaróhapps þegar mótorhjóli var ekið á girðingarnet sem strengt hafði verið fyrir brúarenda á gamla veginum við Blikdalsá sunnan megin Hvalfjarðargangna. Ökumaður slasaðist lítið og ekki var þörf á aðstoð þar sem læknir og sjúkrabíll voru komnir, en hjólið var ferjað til síns heima í Grundarhverfi.
~:~

Leit að kajökum
12. júní 2007 - 21:20
Sunnudagur 10. júní kl 18:36, útkall F2 gulur leit á sjó að tveim kajakræðurum sem lagt höfðu í siglingu frá Garðskaga til Snæfellsness. Hátt í 200 björgunarsveitarmenn tóku þátt í leitinni. Þrír menn frá Kili auk bílstjóra leituðu á slöngubát í Hvalfirði. Kajakmennirnir komu í leitirnar á mánudagskvöldið vestur á Rauðasandi heilir á húfi, höfðu þá róið í 22 klst nánast í einni lotu. Tilkynning þeirra í gervihnattasíma um breytta ferðaáætlun fór einhverra hluta vegna forgörðum.
~:~

Fastur jeppi
21. apríl 2007 - 18:00
Laugardagur 21. apríl, útkall, hringt frá svæðisstjórn rétt fyrir tvö um nóttina, vegna jeppa sem sat fastur við Skyggni rétt við Hafravatn. Tveir fóru á bíl og fundu jeppann, en komust ekki nógui nærri til að geta dregið hann upp, vegna bleytu. Kalla þurfti út tvo jeppa frá HSSR til að ná honum upp. Komið í hús um kl sjö um morguninn.
~:~

Leit að einstaklingi í Reykjavík
21. apríl 2007 - 18:00
Fimmtudagur sumardagurinn fyrsti 19. apríl, útkall F2 gulur, leit að einstaklingi í Reykjavík. Kjölur fór af stað með 6 manns að morgni og leitaði við Fellsmúla og Blesugróf og Háaleiti. Leit var afboðuð rétt fyrir hádegi þegar maðurinn fannst heill á húfi. Leit hafði þá staðið alla nóttina og aðstoð fengin frá svæðum 2, 3 og 4, alls tóku um 150 manns þátt í leitinni.
~:~

Nemendum ekið heim úr Klébergsskóla
20. mars 2007 - 22:00
Þriðjudaginn 20. mars, var nemendum Klébergsskóla ekið heim í hverfinu eftir að skóla lauk. Farið var út í Kátakort og niður í hverfi. Slæmt veður var, hvassviðri með snörpum (38 m/sek)  vindhviðum. Ekki var talið óhætt að láta nemendur fara gangandi milli húsa.
~:~

Viðbúnaðarstig á Reykjavíkurflugvelli
4. mars 2007 - 21:30
Þriðjudaginn 27. febrúar um kl 16:50, útkall F2 gulur, flugvél í vandræðum með nefhjól eftir flugtak á Reykjavíkurflugvelli. Afturköllun kemur 11 mín. seinna þegar flugvélin hafði lent heilu og höldnu, en þá var mannskapur að fara úr húsi.
 ~:~

Leit að manni
4. jan 2007 - 21:30
Fimmtudaginn 4. janúar um kl 07:36, útkall F2 gulur, leit að manni í bíl á Hafnarfjarðarsvæðinu, sem hafði verið saknað frá miðnætti. Maðurinn fannst heill á húfi um kl 10. Þrír Kjalarfélagar mættu til leitar og verkefni hópsins var að leita við höfnina og í Mosahlíð.
 ~:~
2007
 ~:~

Leit að manni
27. des 2006 - 19:00
Miðvikudaginn 27. desember um kl 01:20, útkall F2 gulur, leit að alzheimersjúklingi. Lagt af stað úr húsi og komin í Ártúnsbrekku þegar afturköllun berst, maðurinn fannst heill á húfi. Fimm Kjalarfélagar mættir.
 ~:~

Óveður í aðsigi !!
23. des 2006 - 22:15
Laugardaginn 23. desember um kl 04:00, að beiðni almannavarnadeildar var beðið um að björgunarsveitir væru í viðbragðsstöðu vegna slæmrar veðurspár. Sveitin var komin upp í hús um kl 03:30. Hvassast var við Brautarholt og Arnarholt. Farið var í eftirlitsferðir að Hvalfjarðargöngum og í Mosfellsbæ um Grundarhverfi og fjöruna. Viðbragðsstaðan var síðan afturkölluð um kl 6:00. Fjórir Kjalarfélagar voru mættir.
 ~:~

 Umferðaróhapp
22. des 2006 - 22:15
Fimmtudaginn 21. desember um kl 21:30, hafði bíll farið útaf Vesturlandsvegi í grennd við Sjávarhóla, sennilega í hálku. Einn Kjalarfélaga var vitni og lögregla kom á staðinn. Vinnukvöld var upp í áhaldahúsi og menn drifu sig út og spiluðu bílinn upp á veg. Ökumaður var ómeiddur en treysti sér ekki að aka lengra. Kjölur ók með hann til móts við aðstandendur sína. Fjórir Kjalarmenn tóku þátt.
 ~:~

Útafkeyrsla
16. des 2006 - 19:00
Laugardaginn 16. desember um kl 00:09, útkall F2 gulur SHS, umferðaróhapp við Móa. Fólksbíl ekið útaf Vesturlandsvegi og út í skurð. Lögregla og sjúkraflutningalið var mætt á staðinn þegar að var komið og var að huga að ökumanni og farþega. Fólk slasaðist lítið og var flutt af vettvangi í lögreglubíl. Bílflakið var vaktað þar til dráttarbíll kom á staðinn. Komið í hús rétt um kl 02 og fjórir Kjalarfélagar mættir til starfa.
 ~:~

Árekstur
15. des 2006 - 21:00
Föstudaginn 15. desember um kl 18:28, Þórður Bogason hringdi af Árbæjarstöð og tilkynnir um bílslys á Víkurgrund við Vesturlandsveg. Hugsanlega yrði sveitin kölluð út, en nánari upplýsingar af slysstað vantaði. Bísltjóri kom fljótlega í hús og farið var á vettvang ef þörf yrði á aðstoð. Tveir bilar lentu í árekstri á Vesturlandsvegi og fóru útaf vegi sunnan megin. Ekki urðu slys á fólki og lögregla og sjúkrabílar komu á vettvang um 10 mín, seinna.
Tveir Kjalarmenn fóru á vettvang og tveir bættust í hópinn á staðnum.
 ~:~

Eftir storminn
12. des 2006 - 18:00
Þriðjudaginn 12. desember um kl 20:20, var farið að Esjubergi til að huga að brotnum glugga vegna óveðursins 9. des. Beiðnin barst fyrr um daginn frá lögreglu gegnum framkvæmdasvið Reykjavíkurborgar. Eigandinn var fjarverandi. Stór brotinn þakgluggi á íbúðarhúsi var byrgður og laust drasl á þaki viðbyggingar fjarlægt eða fest niður. Lögreglan var á staðnum meðan á vinnu stóð. Sex félagar úr Kili voru mættir vegna þessa.
~:~

Óveðursaðstoð á Kjalarnesi og víðar
10. des 2006 - 16:00
Laugardaginn 9. desember um kl 20:00, tilkynnti Kjölur sig inn til bakvaktar, vegna óveðurs í aðsigi. Vindhraði fór síðar úm kvöldið í 30 m/sek og hviður í tæplega 50 m/sek á mæli VÍ á Skrauthólum og með þessu slagveðursslydda og síðar rigning. Verkefnin voru margskonar; konu ekið til vinnu á sambýli í Mosfellsbæ, hjólhýsi, fótboltamörk, trampolín og gasgrill tjóðruð niður. Járnplötur á helmingi þaks og vegg viðbyggingar á Esjubergi var fokið og voru lausar plötur negldar niður. Töluvert vatnsflóð var á götum í hverfinu og stutt í að flæddi niður í neðstu hús, niðurfallsristar voru teknar upp á nokkrum stöðum. Veður gekk niður upp miðnætti og aðgerðum hætt upp úr kl 01. Fjórir Kjalarmenn hófu störf og síðar bættust tveir í hópinn, haft var á orði að elstu menn myndu ekki annað eins veður og einn úr hópnum fauk og fór nokkrar byltur á plani við áhaldahús, en engin slys urðu á mönnum.
~:~

Leit að kajakræðara
27. nóv 2006 - 20:00
Sunnudaginn 26. nóvember um kl 23:50 F2 gulur, voru bátahópar ræstir út af Neyðarlínu. Leitað var að kajakræðara, sem hafði áætlað að róa frá Hvalfirði til Reykajvíkur, en ekki komið fram. Þar sem bátur sveitarinnar er ekki sjóklár, var farið í leit á landi með ströndinni frá göngum og inn Hvalfjörð, með bíl og öfluga kastara. Stuttu síðar var alsherjarleit boðuð. Leitaði sveitin fjöruna við Saurbæ, Hjarðarnes og Eyri. Stuttu síðar fann Landshelgisgæslan kajak mannsins  á hvolfi í sjónum undan Hvammsvík og skammt þar frá hinn týndi og var hann látinn. Leit var lokið kl 2:00 og fjórir Kjalarmenn tóku þátt í henni.
~:~

Leit að manni
21. nóv 2006 - 23:00
Þriðjudaginn 21. nóvember kl 08:54 F2 gulur, var útkall vegna leitar að manni, sem ekki hafði komið fram frá því um miðnætti mánudagskvöld. Leitað var að bíl mannsins á öllum helstu vegum í nágrenni Reykjavíkur.  Kjölur hraðleitaði á vesturlandsvegi frá Kjalarnesi inn að Brynjudalsá í Hvalfirði. Á leið í næsta verkefni í kringum Hafravatn var leit afturkölluð, viðkomandi hafði skilað sér heim heill á húfi. Þrír Kjalarfélagar mættu til leitar.
~:~

Ófærð á Kjalarnesi
19. nóv 2006 - 23:00
Sunnudaginn 19. nóvember kl 03:23 F2 gulur, var útkall vegna ófærðar á Kjalarnesi. Slæmt veður var, hvassviðri með blindbyl. Ekki var talið óhætt að hleypa bílum norður Hvalfjarðargöngin vegna ófærðar á Akranesi og því var bílum snúið til baka og farið með bílalest í Mosfellsbæ. Ekki var fært um Grundarhverfi og sátu bilar fastir í Jörfagrund, Hofsgrund og Esjugrund og Vallargrund, einnig í Lykkjuhverfi við Brautarholtsveg og við Dýjahlíð og Skrauthóla. Bílar voru losaðir og fólk ferjað heim til sín og í skjól. Þá var farið í Víðines og starfsmenn aðstoðir við að komast út á veg. Þessari törn lauk um 11, en svo var farið síðdegis að draga bíl upp á veg og kanna færð í Kjós og á Kjalarnesi. Fjórir björgunarsveitarmenn Kjalar tóku þátt í starfinu fyrri törnina og þrír seinni partinn. Töluverð ófærð var annars staðar á höfuðborgarsvæðinu fram eftir degi og allar sveitir voru kallaðar út.
~:~

Nemendum ekið heim úr Klébergsskóla
22. nóv 2006 - 19:00
Fimmtudaginn 16. nóvember, var nemendum Klébergsskóla ekið heim í hverfinu eftir að skóla lauk. Slæmt veður var, hvassviðri með snörpum vindhviðum. Ekki var talið óhætt að láta nemendur fara gangandi milli húsa.
~:~

Óveðursútkall
5. nóv 2006 - 17:00
Sunnudaginn 5. nóvember, ákvað Kjölur að vera í viðbragðsstöðu snemma morguns sökum þess að spáð var suðvestanstormi og fór það saman við stórstreymi kl 5:45. Fylgst var með ágangi sjávar fyrir neðan Grundarhverfið, á vegi neðan Vallár og í Kollafirði. Sjór gekk yfir veg með smá möl þegar verst var og lítilsháttar upp á bakka neðan hverfis.  Svæðisstjórn sendi sveitina í verkefni í Mosfellsbæ að hemja fjúkandi trampólín og kanna ástandið. Skömmu síðar kom heildarútkall á svæði 1 vegna fjölda verkefna á höfuðborgarsvæðinu. Lítið var fjúkandi hluti á Kjalarnesinu og fór mestur tími í að festa þakplötur og fergja laust dót í Mosfellsbæ. Sveitin hætti störfum um kl 13. Alls tóku sex félagar þátt í starfinu.
~:~

Leit við Nesjavallaveg
31. okt 2006 - 22:00
Sunnudaginn 29. október kl 22:12, var útkall frá 112,  F2-gulur, leit við Hengil. Leitað var að manni sem saknað var frá því á fimmtudeginum. Bíll hins týnda fannst við Nesjavallaveg og maðurinn fannst látinn við Dyradal rétt fyrir miðnætti. Fjórir menn frá Kili tóku þátt í leitinni.
~:~

Farþegaþota Continental Boeing 757
með hreyfilbilun
26. okt 2006 - 21:20
Miðvikudaginn 25. október kl 15:05, var útkall frá 112,  F2-gulur-stórt, vegna gangtruflana í báðum hreyflum farþegaþotu með 176 farþega á leið að lenda í Keflavík áætl. lending 15:50 - 16. Fjórir félagar gáfu sig fram og voru boðaðir kl 15:59 í slökkvistöð SHS Tunguhálsi. Afboðað var síðan kl 16:15.51 þar sem tókst að lenda vélinni heilu og höldnu. Brottför frá Tunguhálsi kl 16:19.
~:~

Eldur í Sorpu Grundarhverfi
17. okt 2006 - 22:20
Þriðjudaginn 17. október kl 19:50, var eldur laus í gámi í endurvinnslustöð Sorpu við Norðurgrund í Grundarhverfi. Slökkvilið Kjalarness var boðað í gegnum neyðarlínu. Nokkrir félagar í Kili komu til aðstoðar ýmist af sjálfsdáðum eða með úthringingum. Um hálftíma tók að slökkva eldinn, enda slökkvistöðin nánast í næsta húsi.
~:~

Eldur í Jörfagrund
12. okt 2006 - 22:20
Fimmtudaginn 12. október kl 02:27, var útkall F1-Rauður (slökkvilið SHS)vegna elds í stigagangi fjölbýlishúss í Jörfagrund 23A. Óttast var í fyrstu að menn væru innilokaðir á efri hæð hússins. Nokkrum mínútum seinna var búið að ganga úr skugga um að svo var ekki og þá fékk bsv Kjölur boðun á F2 - gulur. Menn voru snöggir á staðinn enda stutt að fara og greiðlega gekk að slökkva eldinn. Nokkurt tjón varð af völdum elds, reyks og sóts, en eldurinn hafði teygt sig upp í þakkant og reykur var í risi. 5 björgunarsveitarfélagar tóku þátt í störfum á vettvangi.
~:~

Eldur í farþegaþotu
27. ágúst 2006 - 21:20
Laugardaginn 26. ágúst kl 18:03, var útkall F1-Rauður vegna elds í farþegarými Boeing-þotu á flugi. 3 mættu í hús og voru að leggja af stað þegar afturköllun kom 13 mín. síðar. Vélin var þá lent og hættan liðin hjá. Í ljós kom að reyk lagði frá bökunarofni í eldhúsi aftur í vélinni.
~:~

Týndur einstaklingur
8. júlí 2006 - 22:25
Mánudaginn 3. júlí kl 20:51, var útkall vegna leitar að týndri konu á höfuðborgarsvæðinu. Leit var afturkölluð skömmu síðar þar sem konan fannst heil á húfi.
~ : ~
Vélarvana bátur við Kjalarnes
5. júní 2006 - 22:25
Mánudaginn 5. júni kl 19:26, annan í hvítsunnu, var útkall vegna vélarvana báts við Kjalarnes. Báturinn var mannaður, sjósettur og siglt í átt að Kjalarnestá þegar afturköllun barst 20 mínútum seinna og báturinn þá kominn í tog.
~ : ~
Göngumaður slasast í Esjunni
28. maí 2006 - 20:15
Fimmtudaginn 25. maí, Uppstigningardag, var útkall vegna óhapps við Þverfellshorn í Esjunni. Göngumaður úr hópi skólanemenda missti fótanna í snjóskafli, honum tókst ekki að stöðva sig í harðfenninu og rann stjórnlaust út í urð. Einn maður frá Kili fór á vettvang, og menn komu víðar að á svæðið. Maðurinn var fluttur með þyrlu á sjúkrahús.
~ : ~
Umferðarslys í Hvalfjarðargöngum
21. maí 2006 - 18:15
Laugardaginn 20. maí var beðið var um aðstoð við slökkvilið vegna umferðarslyss í Hvalfjarðargöngum. Fólksbíl var ekið utan í gangavegginn skammt innan við suðurenda ganganna.  Hópur frá Kili og Slökkviliði Kjalarness fór á vettvang og aðstoðaði við að ná fólkinu út úr bílnum og færa yfir í sjúkrabíla. Tvennt var flutt slasað á slysadeild. Þá hreinsaði hópurinn til á vettvangi eftir slysið.
~ : ~
Umferðarslys við Skorarfoss í Kjós
21. maí 2006 - 18:15
Laugardaginn 13. maí var beðið var um aðstoð við slökkvilið vegna umferðarslyss skammt frá gatnamótum Hvalfjarðarvegar og Meðalfellsvegar. Fólksbíll hafði oltið afan í gil og ökumaður horfið af vettvangi. Leita þurfti mannsins og fannst hann um 6 km frá slysstað.
~ : ~
Langjökull
25. ágúst 2006 - 22:15
Föstudagurinn langi 14. apríl kl 9, var útkall, leit að vélsleðamönnum við Langjökul. Fjögur fóru af stað með búnað en var snúið við í nágrenni Hvanneyrar, þegar mennirnir fundust heilir á húfi.
~ : ~
Sinubruni við Esjuberg
25. ágúst 2006 - 22:15
Sunnudagur 2.apríl kl 16:11, var útkall, beðið um aðstoð við slökkvilið vegna sinuelda við Esjuberg. Farið var ásamt SHS í að slökkva á austurjaðri, en þá hafði allstórt svæði þegar brunnið og hús sunnan þjóðvegar í nokkurri hættu. Eldur var slökktur eftir nokkra stund og svæðið vaktað um stund. Bálhvasst var og skraufþurrt. Þrír mættu strax og aðrir þrír bættust í hópinn síðar.
~ : ~
Hofsjökull
25. ágúst 2006 - 22:15
Laugardagur 25. febrúar kl ??, var útkall, beðið um jeppa í viðbragðsstöðu, vegna leitar á Hofsjökli. Beðið í húsi í tvær og hálfa klst. þegar beiðni var afturkölluð.
~ : ~
Leit innanbæjar
25. ágúst 2006 - 22:25
Laugardagur 18. febrúar kl 3:13, var útkall vegna leitar í Kópavogi að þroskaheftum einstaklingi sem saknað var frá kvöldinu áður við Smáralind. Einn maður mætti og leitaði með öðrum sveitum í Smáralind og Hlíðahverfi, þangað til að maðurinn kom fram kl 8 heill á húfi. Hann hafði gengið út á Álftanes.
~ : ~
Bruni í bílhræjum
25. ágúst 2006 - 22:25
Föstudagur 27. janúar kl ??, slökkvistjóri á Kjalarnesi bað um aðstoð við frágang á slöngum og þrif á búnaði vegna slökkvistarfa í bílhræjum norður af bænum Lyngási. Slökkvibíllinn komst ekki að staðnum og talsverð ganga með búnaðinn. Einn kom til aðstoðar.
~ : ~
Þæfingur á Kjalarnesi
25. ágúst 2006 - 22:25
Þriðjudagur 17. janúar kl 7:15, var beðið um aðstoð vegna þæfingsfærðar á Kjalarnesi. Beðið var um að sækja fólk heim á bæi og einn bíll var losaður úr festu við Stekk og Skriðu. Bíllinn var dreginn upp á þjóðveg.
~ : ~
Leit innanbæjar
25. ágúst 2006 - 22:25
Þriðjudagur 17. janúar um kl 15, var útkall vegna leitar að einstaklingi innanbæjar. 4 tilkynntir inn. Lagt af stað í bæinn, en leit afturkölluð rétt áður en komið var í Skógarhlíð.
~ : ~
 

© Allur réttur skilin að börum og sárabindum 2004
Vefstjóri:  Theodór Theodórsson